اسٹنٹ رائیڈر نے گنیز ورلڈ ریکارڈ توڑ دیا

سوئیڈش اسٹنٹ رائیڈر نے ایک وہیل پر 125.93 میل فی گھنٹہ کی رفتار سے موٹرسائیکل چلا کر گنیز ورلڈ ریکارڈ توڑ دیا۔

غیرملکی خبررساں ادارے کی رپورٹ کے مطابق 51 سالہ میگنس کارلسن نے سوئیڈن کے ہوائی اڈے پر اپنی کے ٹی ایم 1290 سپر ڈیوک موٹرسائیکل پر اسٹنٹ کا مظاہرہ کیا۔

انہوں نے ون وہیل پر موٹر سائیکل چلا کر گنیز ورلڈ ریکارڈ توڑا۔

کارلسن نے 125.93 میل فی گھنٹہ یا 202.67 کلو میٹر فی گھنٹہ کی سب سے زیادہ رفتار حاصل کی جو 200 کلو میٹر فی گھنٹہ کی رفتار سے ریکارڈ بنانے والے پہلے شخص بن گئے۔

پچھلا ریکارڈ 109.22 میل فی گھنٹہ یا 175.78 کلو میٹر فی گھنٹہ تھا اور یہ 2020 میں قائم کیا گیا تھا۔

کارلسن نے گنیز ورلڈ ریکارڈز کو بتایا کہ ہینڈؒ بار وہیلی میرا سب کا پسندیدہ اسٹنٹ ہے اور ایک اسٹنٹ رائیڈر کے طور پر میرے کیریئر کے دوران سب سے زیادہ توجہ دی۔

انہوں نے کہا کہ میں نے پہلی بار ہینڈل بار وہیل 1992 میں کی تھی پھر تین سال بعد میں نے سوئیڈن کے ہوائی اڈے پر ایک ریکارڈ کرنے کی کوشش کی اور میں ریکارڈ بنانے کی کوشش کرنا چاہتا تھا۔