ہمیش ریشمیا کی نئی فلم کے گانے ’دل کے تاج محل‘ نے مداحوں کی توجہ حاصل کرلی

ہمیش ریشمیا کے نئے گانے ’دل کے تاج محل میں‘ نے انٹرنیٹ پر توجہ حاصل کرلی ہے، تاہم اس کی وجہ اس گانے کا نہایت عجیب و غریب ہونا ہے۔

اکثر جب بالی ووڈ میوزک کے بارے میں سوچتے ہیں تو اچھے اور صدا باہر گانے دماغ میں آتے ہیں تاہم ہمیش کی فلم ’بیڈایز روی کمار‘ کا گانا ’دل کے تاج محل میں‘ کو سن کر جو خیال آتا ہے وہ بالکل مختلف ہے۔

اس گانے کی موسیقی اپنے ’منفرد‘ اسٹائل کی وجہ سے لوگوں کی توجہ تو حاصل کررہی ہے تاہم نقاد اس گانے پر کڑی تنقید کرتے دکھائی دے رہے ہیں۔

تاہم دلچسپ بات یہ ہے کہ گانے ’دل کے تاج محل میں‘ نے یوٹیوب پر 70 ملین کے قریب ویوز حاصل کرلیے ہیں جس پر فلم نقاد کافی حیرانی کا بھی اظہار کررہے ہیں کہ اس گانے کو بھی اتنی بار سنا گیا ہے۔

ہمیش ریشمیا جنھیں ان کی فلم ’تیرا سرور‘ کے لیے بھی جانا جاتا ہے انھوں نے اپنی نئی فلم کے لیے ایک ایسا ٹریک پیش کیا ہے جو میم بننے کے لیے کافی عمدہ میٹریل ہے اور میمرز کی پہلی پسند بن سکتا ہے۔

یہ بات بھی قابل ذکر ہے کہ ہمیش کے گانے طویل عرصے سے میم بنانے والوں کے لیے کافی پسندیدہ رہے ہیں، ’دل کے تاج محل میں‘ بھی ان کا ایک ایسا ہی گانا ثابت ہونے والا ہے۔