ویڈیو: خوشدل شاہ نے چار گیندوں پر چار چھکے جڑ دیے

کراچی کنگز کے کھلاڑی نے بنگلادیش پریمیئر لیگ میں دھوم مچادی۔

بنگلادیش پریمیئر لیگ میں رنگپور رائیڈر کی نمائندگی کرنے والے خوشدل شاہ نے اسپنر ناسوم احمد کی چار گیندوں پر پر چار چھکے لگائے۔

خوشدل نے دو چھکے مڈ آن اور دو مڈ وکٹ کی جانب لگائے۔

آل راؤنڈر نے 35 گیندوں پر 73 رنز کی ناقابل شکست اننگز کھیلی، ان کی اننگز میں چار چوکے اور چھ چھکے شامل تھے۔

رنگپور رائیڈرز نے خوشدل شاہ کی برق رفتار اننگز کی بدولت 5 وکٹوں پر 186 رنز بنائے ہدف کے تعاقب میں کھلنا ٹائیگر کی ٹیم 9 وکٹ پر 178 رنز بناسکی۔

رنگپور رائیڈرز نے میچ سنسنی خیز مقابلے کے بعد 8 رنز سے جیت لیا۔

واضح رہے کہ پی ایس ایل 10 میں خوشدل شاہ کو کراچی کنگز نے پک کیا ہے اور وہ لیگ میں ایکشن بلیو جرسی میں ایکشن میں دکھائی دیں گے۔