چیمپئنز ٹرافی کیلئے بھارت نے ٹیم کا اعلان کردیا

آئی سی سی چیمپئنز ٹرافی 2025 کے لیے بھارت نے اسکواڈ کا اعلان کردیا۔

رپورٹس کے مطابق چیمپئنز ٹرافی کے لیے بھارتی ٹیم کا کپتان روہت شرما کو اور شبمن گل کو نائب کپتان مقرر کیا گیا ہے۔

چیف سلیکٹر اجیت اگرکر اور بھارتی ٹیم کے کپتان روہت شرما نے پریس کانفرنس کے دوران ٹیم کا اعلان کیا۔

ویرات کوہلی، شریاس ایئر، کے ایل راہول اور ہاردیک پانڈیا کو اسکواڈ میں شامل کیا گیا ہے۔

اکشر پٹیل، واشنگٹن سندر، کلدیپ یادیو، جسپریت بمراہ بھی ٹیم میں شامل ہیں، اس کے علاوہ محمد شامی، ارشدیپ سنگھ، یشسوی جیسوال، رشبھ پنت اور رویندرا جڈیجا بھی اسکواڈ کا حصہ ہیں۔

دوسری جانب چیمپئنز ٹرافی سے قبل بھارتی کرکٹ شائقین کے لئے ایک بری خبر سامنے آگئی، ویرات کوہلی بھی مبینہ طور پر انجری کا شکار ہوگئے ہیں۔

بھارتی میڈیا کا اس حوالے سے کہنا ہے کہ ڈومیسٹک کرکٹ میں واپسی کیلئے تیار ویرات کوہلی گردن کی تکلیف میں مبتلا ہیں، جس کے باعث رنجی ٹرافی کے ابتدائی میچز میں ان کی شرکت مشکوک ہے۔

بھارت کے اسٹار بلے باز کو یہ انجری ایک ایسے وقت پر ہوئی ہے جب 23 جنوری کو رنجی ٹرافی شروع ہونے والی ہے اور آئی سی سی چیمپئنز ٹرافی کے آغاز میں بھی صرف ایک ماہ رہ گیا ہے۔

بھارتی میڈیا کا کہنا ہے کہ دہلی اینڈ ڈسٹرکٹ کرکٹ ایسوسی ایشن کے ایک ذائع نے انکشاف کیا ہے کہ کوہلی کو گردن میں کھچاؤ پڑنے کی وجہ سے شدید درد ہوا اس کے لئے انہوں نے انجیکشن بھی لگوایا تھا۔

روہت شرما پاکستان آرہے ہیں؟ بھارتی بورڈ کا اہم بیان

رپورٹ کے مطابق کوہلی نے 23 جنوری کو رنجی ٹرافی میں سوراشٹرا کے خلاف دہلی ٹیم کی نمائندگی کرنی ہے تاہم ایونٹ میں ان کی دستیابی کے حوالے سے ابھی تصدیق نہیں کی گئی۔