ویڈیو رپورٹ: رائیڈرز کمر اور گردن کی تکالیف میں کیوں مبتلا ہو رہے ہیں؟

کراچی میں تباہ حال سڑکوں سے عوام جسمانی بیماریوں میں مبتلا ہو رہے ہیں۔

کراچی کی ٹوٹی پھوٹی سڑکوں پر عوام کے لیے سفر کرنا محال ہو گیا، شہر میں سڑکوں پر گاڑی اور موٹر سایئکل چلانے والے 70 فی صد افراد کمر اور گردن کی تکالیف میں مبتلا ہیں۔

کراچی کے شہری خستہ حال اور ٹوٹ پھوٹ کی شکار سڑکوں پر سفر کرنے پر مجبور ہیں، سڑکوں پر ہچکولے کھاتی گاڑیاں اور ان میں موجود بے حال مسافرمختلف مسائل کا شکار ہو رہے ہیں۔

شہر میں کے ایم سی کی ملکیت 106 سڑکوں پر مرمت کا کام جاری ہے، مگر 9 ہزار 540 کلو میٹر خستہ حال سڑکوں کی مرمت کون کرے گا، جو کے ایم سی کی ملکیت نہیں ہیں۔

ویڈیو رپورٹ: گورنر سندھ نے حلیم اور حلوہ تیار کیا، مولانا فضل الرحمان کو بھی دعوت

شہر کی ہر چھوٹی بڑی سڑک کا کوئی حصہ ٹوٹ پھوٹ سے محفوظ نہیں ہے، جسمانی تکالیف کا ایک بڑا سبب روڈ کٹنگ بھی ہے، بلدیاتی ادارے متعلقہ روڈ کٹنگ کرنے والے اداروں سے اس کی فیس لے کر سڑک کی مرمت نہیں کرتے۔

شہریوں نے اپنی رائے میں کہا کہ سڑکوں کی تعمیر میں ناقص مٹیریل کا استعمال سڑکوں کی ٹوٹ پھوٹ کا سب سے بڑا سبب ہے، ہر سڑک کا معمولی سی بارش سے ٹوٹ پھوٹ کا شکار ہو جانا اس کے معیار اور متعلقہ اداروں پر ایک سوالیہ نشان ہے۔