’کاش میں بھی لڑکا ہوتی‘ آیوشمان کھرانہ قتل ہونیوالی ڈاکٹر کی آواز بن گئے

بالی ووڈ اسٹار آیوشمان کھرانہ نے کولکتہ میں بہیمانہ جنسی زیادتی کے بعد قتل ہونے والی خاتون ڈاکٹر کے جذبات کا اظہار کرنے کے لیے نظم لکھ دی۔

بھارت کی ریاست مغربی بنگال کے شہر کولکتہ میں گزشتہ ہفتے 31 سالہ ڈاکٹر کو میڈیکل کالج میں خون میں لت پت مردہ حالت میں پایا گیا تھا اور آر جی کار میڈیکل کالج کے اسٹاف نے بتایا تھا کہ ڈاکٹر 36 گھنٹوں پر شفٹ کے تقریباً 20 گھنٹے کام کرنے کے بعد کالج کے سیمینا ہال میں کچھ دیر آرام کے لیے چلی گئی تھیں۔

تاہم، اگلے روز سیمینا ہال سے خاتون ڈاکٹر کی نیم برہنہ حالت میں لاش ملی، پوسٹ مارٹم رپورٹ کے مطابق خاتون ڈاکٹر کو ایک سے زائد مردوں نے انتہائی بے دردی سے جنسی زیادتی کا نشانہ بنایا اور پھر گلا دبا کر قتل کردیا۔

بھارت میں خواتین کے ساتھ ہونے والی زیادتی کے بڑھتے ہوئے کیسز کے خلاف جہاں ڈاکٹرز اور پیرا میڈیکل اسٹاف سراپا احتجاج ہے تو وہیں بالی ووڈ اداکارؤں نے بھی آواز بلند کی ہیں۔

 

View this post on Instagram

 

A post shared by Ayushmann Khurrana (@ayushmannk)

بالی ووڈ اداکار و گلوکار آیوشمنا کھرانہ نے فوٹو اینڈ شیئرنگ ایپ انسٹاگرام پر متاثرہ ڈاکٹر خاتون کے لیے آواز بلند کرتے ہوئے نظم جاری کی ہے، جس کا نام ہے ’’ کاش میں بھی لڑکا ہوتی‘‘۔

نظم

میں بھی بنا کُنڈی لگا کر سوتی، کاش میں بھی لڑکا ہوتی

جھلی بن کر دوڑتی اُڑتی، ساری رات دوستوں کے ساتھ پھرتی، کاش میں بھی لڑکا ہوتی

کہتے سنا ہے سب کو کہ لڑکی کو پڑھا لکھا قابل بناؤ، اور جب پڑھ لکھ کر ڈاکٹر بنتی

میری ماں نہ کھوتی اس کی آنکھوں کا موتی، کاش میں بھی لڑکا ہوتی

36 گھنٹے کا لگاتار کام دشوار ہوا، بلاتکار ہوا مردوں کے وحشی پن سے سکشت کار ہوا

کاش ان مردوں میں تھوڑی سی عورتوں والی کوملتا ہوتی، کاش میں بھی لڑکا ہوتی

کہتے ہیں سی سی ٹی وی نہیں تھا، ہوتا بھی تو کیا ہوتا، ایک مرد محافظ جو اس پر نظر رکھتا، اس کی نظر بھی کتنی پاک ہوتی، کاش میں بھی لڑکا ہوتی

اگر میں ایک لڑکا ہوتی شاید میں آج زندہ ہوتی

آیوشمان کھرانہ کی تحریر کردہ نظم نے سوشل میڈیا صارفین سمیت شوبز شخصیات کو جذباتی کردیا۔