پی ایس ایل 9: پشاور زلمی کا ملتان سلطانز کو 205 رنز کا ہدف

پی ایس ایل 9 کے 21ویں میچ میں پشاور زلمی نے ملتان سلطانز کو جیت کے لے 205 رنز کا ہدف دے دیا۔

راولپنڈی مین کھیلے جارہے میچ میں پشاور زلمی نے مقررہ اوورز میں 5 وکٹوں کے نقصان پر 204 رنز بنائے اور سلطانز کو جیت کے لیے 205 رنز کا ہدف دیا۔

کپتان بابر اعظم نے شاندار 64 رنز کی اننگز کھیلی، صائم ایوب بھی 46 رنز بنا کر نمایاں رہے۔

ٹام کوہلر کیڈ مور 5 رنز بنا کر آؤٹ ہوئے، حسیب اللہ خان 31 رنز بنا کر جارڈن کو وکٹ دے بیٹھے،

رومن پاول نے 23 رنز بنائے جبکہ عامر جمال 12 رنز کے ساتھ ناٹ آؤٹ رہے۔

سلطانز کی جانب سے اسامہ میر نے تین کھلاڑیوں کو پویلین کی راہ دکھائی، کرس جارڈن نے دو وکٹ حاصل کی۔

 پشاور زلمی کے کپتان بابر اعظم نے ٹاس جیت کر محمد رضوان الیون کو پہلے بیٹنگ کی دعوت دی تھی۔

پشاور زلمی نے ٹیم میں حسیب اللہ، آصف علی، نوین الحق کی واپسی ہوئی ہے جبکہ مہران ممتاز کو ڈیبیو کروایا جارہا ہے۔

 ملتان سلطانز کی ٹیم میں عثمان خان کی جگہ ڈیوڈ ملان کو شامل کیا گیا ہے, آفتاب ابراہیم بھی ٹیم میں شامل ہیں۔

 

View this post on Instagram

 

A post shared by Pakistan Super League (@thepsl)

ملتان سلطانز 7 میں 6 میچ جیت کر فائنل فور میں جگہ بناچکے ہیں۔

باہمی مقابلوں میں ملتان سلطانز کو برتری حاصل ہے، 14 میں سے 10 میچ جیتے ہیں، پہلے مرحلے میں زلمی نے ملتان کو 5 رن سے شکست دی تھی۔