صرف دو چمچ سوڈا کے ساتھ ۔ ۔ ۔ ۔ ۔ ۔ ! سِنک اور بیسن کی نالی صاف

ہر گھر کے باورچی خانے کے سِنک یا باتھ روم کے بیسن میں گندگی اور چکنائی کے باعث سب سے زیادہ جراثیم ہوتے ہیں جو اہل خانہ کی صحت و تندرستی کیلئے نقصان دہ ہیں۔

گھریلو خواتین اس مسئلے کے حل کیلئے ہر ممکن طریقے اختیار کرتی ہیں تاکہ سنک کو جراثیم سے محفوظ رکھے جانے کے ساتھ نالی بھی بند نہ ہو۔

اس کام کے لیے مناسب صفائی بے حد ضروری ہے لیکن اگر سنک یا بیسن کی نالی میں چکنائی جم جائے تو یہ بھی ایک مشکل ترین صورتحال ہے۔

اس مسئلے کا آسان اور سستا سا حل اے آر وائی ڈیجیٹل کے پروگرام گڈ مارننگ پاکستان میں اداکارہ کرن خان نے بتادیا جس پر عمل کرکے خواتین کاکام بہت آسان ہوجائے گا۔

انہوں نے بتایا کہ ڈسپرین کی گولی کے دو عدد پتے لے کر تمام گولیاں پیس لیں اور اس کے اندر دو چمچ سوڈا ڈال کر اسے مکس کرلیں۔

انہوں نے کہا کہ اب اس سفوف کو ایک پاؤڈر کے ڈبے میں بھر لیں اور بیسن کی نالی کے آس پاس تھوڑا سا چھڑک کر اس پر تھوڑا سا پانی ڈالیں۔ اس کے بعد اس میں بلبلے پیدا ہوجائیں گے اور وہ نالی کے اندر جاکر ساری چکنائی منٹوں میں صاف کردے گا۔