شاہ رخ خان کی اہلیہ گوری خان کا اسلام قبول کرنے سے متعلق بیان وائرل
بالی ووڈ کے سپر اسٹار شاہ رخ خان کی اہلیہ گوری خان نے اپنا مذہب تبدیل کرنے کے بارے میں اپنے خیالات کا اظہار کیا ہے۔ بالی ووڈ کنگ شاہ رخ خان کی اہلیہ انٹیرئر ڈیزائنر گوری خان کی ایک پرانی ویڈیو سوشل میڈیا پر وائرل ہورہی ہے جس میں انہوں نے اپنے مذہب اور […]
بالی ووڈ کے سپر اسٹار شاہ رخ خان کی اہلیہ گوری خان نے اپنا مذہب تبدیل کرنے کے بارے میں اپنے خیالات کا اظہار کیا ہے۔
بالی ووڈ کنگ شاہ رخ خان کی اہلیہ انٹیرئر ڈیزائنر گوری خان کی ایک پرانی ویڈیو سوشل میڈیا پر وائرل ہورہی ہے جس میں انہوں نے اپنے مذہب اور اپنے شوہر شاہ رخ خان کے مذہت کے حوالے سے گفتگو کی۔
گوری خان نے مذہب تبدیل کرنے کے بارے میں گفتگو کرتے ہوئے انکشاف کیا کہ آریان خان اپنے والد شاہ رخ خان سے بہت قریب ہے اس لیے مجھے لگتا ہے کہ وہ بڑے ہو کر اسلام کو ہی فالو کرے گا اور وہ ہمیشہ یہی کہتا ہے کہ ’میں ایک مسلمان ہوں‘۔
گوری خان نے کہا کہ شاہ رخ میرے مذہب کی بہت عزت کرتے ہیں اسی لیے ہماری زندگی میں توازن قائم ہے اور اسی طرح میں بھی ان کے مذہب کا احترام کرتی ہوں لیکن اس کا مطلب یہ نہیں کہ میں مذہب تبدیل کرکے مسلمان ہو جاؤں گی۔
شاہ رخ خان کی اہلیہ نے کہا کہ میں مذہب تبدیل کرنے پر یقین نہیں رکھتی کیونکہ میرا خیال ہے کہ ہر شخص انفرادی حیثیت رکھتا ہے اور ہر شخص کو اپنی مرضی سے کوئی ایک مذہب فالو کرنے کا حق ہے لہٰذا اس حوالے سے کسی کے ساتھ کوئی زبردستی نہیں ہونی چاہیے۔
بالی ووڈ کنگ شاہ رخ خان اور اہلیہ انٹیرئر ڈیزائنر گوری خان کی شادی کو مختلف مذاہب سے تعلق رکھنے کے باوجود بھی 3 دہائیوں سے زائد کا عرصہ مکمل ہو چکا ہے، گوری خان کے والدین ابتدا میں ان کی شادی کے خلاف تھے کیونکہ شاہ رخ مسلمان ہے۔
آپ کا ردعمل کیا ہے؟
