دو بسوں کے درمیان میں آنے والا شخص معجزانہ طور پر بچ گیا، ویڈیو وائرل

بھارت میں دو بسوں کے درمیان آنے والا شخص معجزانہ طور پر زندہ بچ گیا جس کی ویڈیو سوشل میڈیا پر وائرل ہوگئی۔

بھارتی میڈیا رپورٹ کے مطابق ریاست تمل ناڈو کے شہر تھانجاور میں ایک شخص دو تیز رفتار بسوں کے درمیان آنے کے باوجود موت کے منہ میں جانے سے بال بال بچ گیا۔

بھرت تھمارانکوٹائی سے پٹوکوٹائی کا سفر کررہا تھا اور ایک بس میں سوار ہونے کی کوشش میں تھا۔

ویڈیو میں دیکھا جاسکتا ہے کہ جیسے ہی وہ آگے بڑھنے لگا اس دوران ایک سرکاری بس، پرائیوٹ بس کو اوور ٹیک کرنے کی کوشش کررہی تھی اور اچانک ہی بائیں جانب مڑ گئی اور بھرت اچانک دو تیز رفتار گاڑیوں کے درمیان پھنس گیا۔

بھرت زمین پر گرنے سے قبل توازن برقرار رکھنے کے لیے جدوجہد کررہا ہے، معجزاتی طور پر اسے معمولی زخم آئے اور وہ بچنے میں کامیاب ہوگیا۔

وائرل ویڈیو دیکھ کر سوشل میڈیا صارفین میں غم و غصے کی لہر دوڑ گئی۔

صارفین کی جانب سے ٹریفک قوانین کو بہتر طریقے سے نافذ کرنے اور پیدل چلنے والوں کی حفاظت کے بارے میں اقدامات کا مطالبہ کیا جارہا ہے۔

کئی صارفین نے دوسروں کی زندگی کو خطرے میں ڈالنے والے ڈرائیور کے لیے سخت سزائیں بھی تجویز کیں۔

رپورٹ کے مطابق مقامی حکام ویڈیو وائرل ہونے کے بعد واقعے کی تحقیقات کررہے ہیں۔