کرکٹ کی تاریخ کے عجیب و غریب رن آؤٹ کی ویڈیو وائرل

کرکٹ میں میں کبھی کبھار ایسے عجیب و غریب طریقے سے کھلاڑی آؤٹ ہوتے ہیں جس کی ویڈیو سوشل میڈیا پر وائرل ہوجاتی ہیں۔

ایسی ہی ایک ویڈیو انگلینڈ انڈر 19 اور جنوبی افریقا انڈر 19 ٹیموں کے درمیان کھیلے گئے ٹیسٹ میچ میں انوکھے رن آؤٹ کی وائرل ہورہی ہے۔

انگلینڈ کے بیٹر آریان ساونت نے جنوبی افریقی بولر جیسن رولیس کی گیند پر سوئپ شاٹ کھیلا لیکن گیند شارٹ لیگ پر موجود فیلڈر جوریچ وین کے ہیلمٹ سے ٹکرا کر وکٹوں میں جالگی جس کی وجہ وہ رن آؤٹ ہوگئے۔

ویڈیو میں دیکھا جاسکتا ہے کہ جوریچ وین نے اپنا سر نیچے کیا اور گیند ان کے ہیلمٹ سے لگنے کے بعد وکٹوں پر جالگی اور بیٹر آریان ساونت اس دوران کریس سے باہر تھے۔

فیلڈر کو گیند لگنے کی وجہ سے میدان میں لیٹے ہوئے دیکھا جاسکتا ہے۔

سوشل میڈیا صارفین کی جانب سے اس رن آؤٹ پر تبصرے بھی کیے جارہے ہیں جبکہ شائقین فیلڈر کے لیے بھی فکر مند ہیں کہ انہیں کوئی چوٹ تو نہیں لگی۔