چیمپئنز ٹرافی کے ٹکٹوں کی قیمت کتنی بڑھ گئی؟

پاکستان کرکٹ بورڈ (پی سی بی) کی جانب سے آئی سی سی چیمپئنز ٹرافی کے آن لائن ٹکٹوں کی قیمت میں 10 فیصد اضافہ کردیا گیا ہے۔

پاکستان کرکٹ بورڈ پی سی بی کا کہنا ہے کہ کرکٹ شائقین کی دلچسپی دیکھتے ہوئے آن لائن ٹکٹوں کی تعداد میں اضافہ کردیا گیا ہے، اضافہ ایونٹ کے تمام میچز کے ٹکٹوں کیلیے کیا گیا ہے۔

پی سی بی نے اس سے قبل پہلے مرحلے میں 30 فیصد ٹکٹس آن لائن فروخت کیلیے پیش کردیئے تھے، چیمپئنز ٹرافی ٹکٹس کی آن لائن فروخت میں شائقین کرکٹ نے غیرمعمولی جوش و خروش کا مظاہرہ کیا۔

رپورٹس کے مطابق 3 میچز کے ٹکٹس مکمل فروخت ہوچکے ہیں، جن میں پاکستان اور نیوزی لینڈ، آسٹریلیا اور انگلینڈ اور پاکستان اور بنگلادیش کے میچز شامل ہیں۔

پاکستان اور نیوزی لینڈ کا میچ 19 فروری کو کراچی میں کھیلا جائے گا جبکہ آسٹریلیا اور انگلینڈ کا میچ 22 فروری کو لاہور اور پاکستان اور بنگلادیش کا مقابلہ 27 فروری کو راولپنڈی میں ہوگا۔

پاکستان کرکٹ بورڈ کے مطابق دوسرے مرحلے میں فزیکل ٹکٹس 3 فروری سے فروخت کئے جائیں گے، جبکہ 100 سے زائد ٹکٹس ٹی سی ایس ایکسپریس سینٹرز سے فروحت کئے جائیں گے۔

پاکستان کرکٹ بورڈ کے حکام کے مطابق ٹکٹوں کی فروخت پر عوامی ردعمل خوش کن ہے، چند گھنٹوں میں ٹکٹس کی فروخت شائقین کی دلچسپی کی عکاس ہے۔

چیمپئنز ٹرافی کے ٹکٹ فروخت کرنے والی ویب سائٹ کریش کر گئی!

پی سی بی حکام کا کہنا ہے کہ پاکستانی شائقین اپنی ٹیم کے ساتھ کھڑے ہیں جو اچھی خبر ہے، ہم زیادہ سے زیادہ تماشائیوں کو میچز دکھانے کی سہولت فراہم کرنے کی کوشش کررہے ہیں۔