طلاق بیک وقت آزادی اور ناکامی ہے، میں نہیں چاہتی کہ۔۔۔ حنا آفریدی نے کیا بتایا؟

پاکستان شوبز انڈسٹری کی اداکارہ و ماڈل حنا آفریدی نے طلاق اور جیون ساتھی کی خوبیوں ست متعلق اپنی رائے کا اظہار کیا ہے۔

ڈرامہ ’پہلی سی محبت‘ کی اداکارہ حنا آفریدی حال ہی میں ایک پوڈکاسٹ میں بطور مہمان شرکت کی جہاں انہوں نے شادی، طلاق اور جیون ساتھی کی خوبیوں سمیت دیگر امور کے حوالے سے کھل کر گفتگو کی۔

اداکارہ حنا آفریدی کا کہنا تھا کہ میری شادی میرے والدین کی پسند سے ہوگی، اس لیے میں ارینج میرج سے زیادہ لو میرج کو ترجیح دیتی ہوں، یہ بہتر ہوتا ہے کہ شادی سے قبل دونوں ایک دوسرے کو جان لیں۔

اداکارہ نے کہا کہ شادی کے لیے پیسہ اہمیت نہیں رکھتا وہ تو ہم دونوں مل کر بھی کماسکتے ہیں لیکن میں چاہتی ہوں کہ جو میرا ہمسفر ہو وہ مجھے محبت اور عزت دے، مجھ پر اعتماد کرے اور میں بھی اس پر اعتماد کرسکوں۔

ڈرامہ سیریل ’پہلی سی محبت‘ کے ٹیزر نے دھوم مچادی

حنا آفریدی نے طلاق سے متعلق کہا کہ طلاق کے حوالے سے میری ملی جلی رائے ہے، طلاق بیک وقت آزادی بھی ہے اور ناکامی بھی لیکن میں نہیں چاہتی کہ میں کبھی اس مرحلے سے گزروں۔

اداکارہ نے اس کی وضاحت میں کہا کہ میں طلاق کو ففٹی ففٹی کہوں گی، اگر کسی عورت نے اپنے ظالم شوہر سے طلاق لی تو یہ اس کے لیے آزادی ہے اور اگر کوئی اپنے شوہر کو صرف اپنی انا میں چھوڑ دیتی ہے تو یہ ناکامی ہوگی اور میں نہیں چاہتی کہ میں کبھی طلاق کے مرحلے سے گزروں۔

واضح رہے کہ ڈرامہ سیریل ’پہلی سی محبت‘ میں مایا علی نے (رخشی) اور شہریار منور نے (اسلم) کا کردار ادا کیا تھا، ڈرامے کی دیگر کاسٹ میں حنا آفریدی، شبیر جان، حسن شہریار یاسین، نوشین شاہ، صبا فیصل ودیگر شامل تھے۔