’صرف ہم‘ عاشر وجاہت اور کومل میر کی تصاویر وائرل
شوبز انڈسٹری کی خوبرو اداکارہ کومل میر کی گلوکار عاشر وجاہت کے ساتھ تصاویر وائرل ہوگئیں۔ فوٹو اور ویڈیو شیئرنگ ایپ انسٹاگرام پر اداکارہ کومل میر نے تصاویر شیئر کیں جس میں انہیں عاشر وجاہت کے ساتھ خوشگوار موڈ میں دیکھا جاسکتا ہے۔ کومل میر نے تصاویر شیئر کرتے ہوئے کیپشن ’صرف ہم‘ لکھا اور […]
شوبز انڈسٹری کی خوبرو اداکارہ کومل میر کی گلوکار عاشر وجاہت کے ساتھ تصاویر وائرل ہوگئیں۔
فوٹو اور ویڈیو شیئرنگ ایپ انسٹاگرام پر اداکارہ کومل میر نے تصاویر شیئر کیں جس میں انہیں عاشر وجاہت کے ساتھ خوشگوار موڈ میں دیکھا جاسکتا ہے۔
کومل میر نے تصاویر شیئر کرتے ہوئے کیپشن ’صرف ہم‘ لکھا اور عاشر وجاہت کو مخاطب بھی کیا۔
دراصل کومل میر اور اور عاشر وجاہت کا نیا گانا 12 جون کو ریلیز کیا جائے گا جس سے متعلق انہوں نے ویڈیو بھی شیئر کی تھی۔
گلوکار نے ویڈیو شیئر کرتے ہوئے گانے کی ریلیز کی تاریخ 12 جون بتائی تھی۔
اداکارہ نے چند گھنٹوں قبل یہ پوسٹ شیئر کی جسے مداحوں کی جانب سے سراہا جارہا ہے اور مداح ان کے گانے کے منتظر ہیں۔
واضح رہے کہ کومل میر نے اے آر وائی ڈیجیٹل کے ڈرامہ سیریل ’دھوکہ‘ میں مرکزی کردار نبھایا تھا جس کی دیگر کاسٹ میں عفان وحید، آغا علی، صنم جنگ، جاوید شیخ، نوشین شاہ ودیگر شامل تھے۔
ایک انٹرویو میں اداکارہ کومل میر نے انکشاف کیا تھا کہ شوٹنگ کے دوران چچی نے تھپڑا مارا تو اداکاری چھوڑنے کا سوچ لیا تھا۔
انہوں نے بتایا تھا کہ سین میں مجھے میری چچی نے تھپڑ مارنا تھا، وہ سچ میں تھپڑ مارا گیا، میں بہت روئی اور اپنی والدہ سے فون کرکے کہا مجھے اداکاری نہیں کرنی لیکن وہ ایک مختلف تجربہ تھا جو میں نے کیا۔
کومل میر نے اپنے ڈرامے کے ایک سین کی شوٹنگ کے حوالے سے بات کرتے ہوئے بتایا تھا کہ ایک سین میں انہیں گندے برتنوں سے جھوٹا کھانا کھانا تھا جو ان کیلئے بہت مشکل تھا۔
اداکارہ نے بتایا تھا کہ ڈائریکٹر نے دوپہر کے بچے ہوئے گندے برتن منگوائے اور کہا کہ اس میں سے کھانا کھاؤ، میں نے تھوڑی چیٹنگ کرنے کی بھی کوشش کی لیکن ڈائریکٹر نے منع کردیا اور کہا کہ صحیح سے کھاؤ۔
آپ کا ردعمل کیا ہے؟
