رونالڈو کا ایک اور ریکارڈ پر قبضہ
اسٹار فٹبالر کرسٹیانو رونالڈ نے سعودی پرو لیگ کے ایک سیزن میں سب سے زیادہ گول کرنے والے کھلاڑی کا اعزاز اپنے نام کر لیا۔ پرتگال سے تعلق رکھنے والے عالمی شہرت یافتہ فٹبالر کرسٹیانو رونالڈو جو سعودی فٹبال کلب النصر جوائن کرنے کے بعد لگ بھگ ڈیڑھ سال سے فیملی سمیت مملکت میں مقیم […]
اسٹار فٹبالر کرسٹیانو رونالڈ نے سعودی پرو لیگ کے ایک سیزن میں سب سے زیادہ گول کرنے والے کھلاڑی کا اعزاز اپنے نام کر لیا۔
پرتگال سے تعلق رکھنے والے عالمی شہرت یافتہ فٹبالر کرسٹیانو رونالڈو جو سعودی فٹبال کلب النصر جوائن کرنے کے بعد لگ بھگ ڈیڑھ سال سے فیملی سمیت مملکت میں مقیم ہیں۔ انہوں نے سعودی کلب کے تحت جہاں دیگر کئی ریکارڈ بنائے وہیں ایک اور ریکارڈ اپنے نام کر لیا۔
گزشتہ روز الاتحاد سے مقابلے میں رونالڈو نے دو بات گیند کو جال میں پہنچا کر اپنی ٹیم النصر کو دو کے مقابلے میں چار گول سے شکست دینے میں اہم کردار ادا کیا۔
اس فتح کے علاوہ یہ میچ اسٹار فٹبالر کو ایک اور اعزاز کا حامل بنا گیا اور رونالڈو سعودی پرو لیگ کے ایک سیزن میں سب سے زیادہ گول کرنے والے کھلاڑی بن گئے۔
رونالڈو نے 31 میچوں میں 35 گول داغ کر مراکش کے حمد اللہ کا ریکارڈ توڑا۔
واضح رہے کہ رونالڈو نے اب تک اپنے 22 سالہ کیریئر میں 765 گول اسکور کیے ہیں جس میں اسپورٹنگ کلبز لزبن، مانچسٹر یونائیٹڈ، ریئل میڈرڈ اور یووینٹس شامل ہیں۔
ان کے پاس پرتگال کی جانب سے کھیلتے ہوئے 206 میچوں میں 128 بین الاقوامی گولز کا ریکارڈ بھی ہے۔
آپ کا ردعمل کیا ہے؟
