آئی سی سی کے سی ای او عہدے سے دستبردار

انٹرنیشنل کرکٹ کونسل کے سی ای او جیف ایلارڈائس عہدے سے دستبردار ہوگئے، انھوں نے کرکٹ کی عالمی باڈی 2012 میں جوائن کی تھی۔

آئی سی سی کی جانب سے آج تصدیق کی گئی ہے کہ جیف ایلارڈائس نے آئی سی سی کے چیف ایگزیکٹیو کے عہدے سے مستعفی ہونے کا فیصلہ کیا ہے، انھوں نے 2012 میں جی ایم کرکٹ کے طور پر جوائن کیا تھا، جیف ایلارڈائس کو نومبر 2021 میں آئی سی سی کا سی ای او مقرر کیا گیا۔

ایلارڈائس نے 13 سال قبل آئی سی سی میں جنرل منیجر کرکٹ کے طور پر کرکٹ آسٹریلیا سے شمولیت اختیار کی جہاں وہ کرکٹ آپریشنز مینیجر کے عہدے پر فائز تھے۔

ایلارڈائس نے کہا کہ انٹرنیشنل کرکٹ کونسل کے چیف ایگزیکٹیو آفیسر کے طور پر خدمات انجام دینا ایک اعزاز کی بات ہے اور مجھے اپنے دور کے نتائج پر ناقابل یقین حد تک فخر ہے۔

آئی سی سی کے چیئرمین جے شاہ نے کہا کہ آئی سی سی بورڈ کی جانب سے، جیف کا کا تہہ دل سے شکریہ ادا کرنا چاہتا ہوں، انھوں نے اپنے دور میں پُرعزم طریقے سے کام کیا۔

ان کی کوششوں نے عالمی سطح پر کرکٹ کو آگے بڑھانے میں کلیدی کردار ادا کیا ہے، ہم ان کی خدمات کے لیے شکر گزار ہیں اور ان کے مستقبل کے لیے نیک خواہشات کا اظہار کرتے ہیں۔