ہالی ووڈ کی نئی ہارر فلم ’سنرز‘ کا خوفناک ٹریلر جاری

لاس اینجلس : ہالی ووڈ کی نئی ہارر فلم ’سینرز‘ کے ٹریلر نے ریلیز ہوتے ہی دھوم مچادی، مذکورہ فلم جلد ہی امریکی سنیماؤں میں نمائش کیلیے پیش کی جائے گی۔

فلم میں مائیکل بی جارڈن ایک خوفناک نئی ہارر فلم ’سنرز‘ میں جلوہ گر ہو رہے ہیں، جس کی ہدایت کاری ان کے دیرینہ ساتھی ریان کوگلر نے کی ہے۔

رپورٹ کے مطابق اس ہارر فلم کا پہلا باضابطہ ٹریلر جاری کر دیا گیا ہے، جس میں امریکہ کی تاریخ اور لوک کہانیوں سے متاثر ایک پراسرار اور سنسنی خیز واقعات کو اجاگر کیا گیا ہے۔

کریڈ اور بلیک پینتھر جیسی باکمال فلموں سے اپنی پہچان بنانے والے مائیکل بی جارڈن اس ہارر فلم ’سنرز‘ میں جڑواں بھائیوں کا کردار ادا کر رہے ہیں۔

مذکورہ فلم سینرز کی کہانی مافوق الفطرت عناصر کے گرد گھومتی ہے، فلم کی کہانی میں ہُوڈُو کلچر کی تحقیق کو انتہائی باریکی سے اس کا حصہ بنایا گیا ہے۔

فلم جاری کیے گئے ٹریلر میں سنسنی خیز مناظر دکھائے گئے ہیں، جن میں پراسرار راز، دہشت زدہ ماحول اور پراسرار مقامات شامل ہیں جے دیکھنے والے اپنی نشستوں پر جم کر بیٹھے رہیں گے۔

ریان کوگلر جو اس سے قبل فروٹ ویل اسٹیشن، کریڈ اور بلیک پینتھر جیسی کامیاب فلموں میں مائیکل بی جارڈن کے ساتھ کام کرچکے ہیں، نے اس فلم کو ذاتی اہمیت کا حامل قرار دیا ہے۔

کوگلر کا کہنا ہے کہ ہر بار جب بھی میں کوئی فلم بناتا ہوں تو میری کوشش ہوتی ہے کہ وہ میرے لیے ذاتی تجربے کی حیثیت رکھتی ہو اور ‘سِنرز’ بھی ایسا ہی ایک منصوبہ ہے۔”

انہوں نے مزید بتایا کہ اس فلم کی کہانی ان کے اپنے آبائی پس منظر سے جڑی ہوئی ہے، خاص طور پر ان کے مرحوم چچا جیمز سے ان کے ریاست مسیسیپی سے تعلق پر مبنی ہے۔