گلین میسکویل نے پاکستان ٹیم کو خطرناک قرار دے دیا

آسٹریلیا کے جارح مزاج بیٹر گلین میکسویل نے پاکستان کو خطرناک ٹیم قرار دے دیا۔

پاکستان کے خلاف ون ڈے سیریز سے قبل آسٹریلیوی آل راؤنڈر گلین میکسویل نے کہا کہ پاکستان ایک ایسی ٹیم ہے جس کے خلاف پلاننگ بنانا بہت مشکل ہوتا ہے، پاکستان کی وائٹ بال ٹیم بہت خطرناک ہے۔

انہوں نے کہا کہ آپ کو کبھی نہیں پتا ہوتا کہ ان کے خلاف کیا ہوگا۔

گلین میکسویل نے کہا کہ ورلڈ کپ میچ میں بھی پاکستان نے ہمیں تقریباً باہر کردیا تھا لیکن وہ میچ جیت گئے، آسٹریلیا اور پاکستان کی سیریز بہت دلچسپ ہوگی۔

واضح رہے کہ آسٹریلیا سے ون ڈے اور ٹی 20 سیریز کھیلنے کے لیے قومی ٹیم کا دوسرا گروپ آج میلبرن پہنچے گا۔

قومی کرکٹ ٹیم کے کھلاڑی نجی ایئرلائن کی پرواز سے آسٹریلیا روانہ ہوئے تھے، سیریز کے لیے روانہ ہونے والے پلیئرز میں وائٹ بال کپتان محمد رضوان، نائب کپتان سلمان علی آغا اور عبداللہ شفیق شامل تھے۔

اس کے علاوہ آل راؤنڈر عامر جمال، اوپنر صائم ایوب، مڈل آرڈر بیٹر کامران غلام کے ساتھ ساتھ حسیب اللہ اور عرفات منہاس بھی آسٹریلیا روانہ ہوئے ہیں۔

قومی کھلاڑیوں کا پہلا گروپ پہلے ہی آسٹریلیا پہنچ چکا ہے، پاکستان کرکٹ ٹیم آسٹریلیا کے خلاف اپنا پہلا میچ 4 نومبرکو کھیلے گی۔