کینسر کی وجہ سے۔۔۔۔حنا خان کا اہم انکشاف
اداکارہ حنا خان نے انکشاف کیا ہے کہ کینسر کی وجہ سے دو پروجیکٹ چھوڑنے پڑے۔ بھارتی میڈیا رپورٹ کے مطابق اداکارہ حنا خان نے 2024 میں بتایا کہ وہ اسٹیج تھری بریسٹ کینسر میں مبتلا ہیں اس کے بعد سے وہ بیماری سے لڑ رہی ہیں۔ اسکرین ڈیئر می سے گفتگو کرتے ہوئے حنا […]
اداکارہ حنا خان نے انکشاف کیا ہے کہ کینسر کی وجہ سے دو پروجیکٹ چھوڑنے پڑے۔
بھارتی میڈیا رپورٹ کے مطابق اداکارہ حنا خان نے 2024 میں بتایا کہ وہ اسٹیج تھری بریسٹ کینسر میں مبتلا ہیں اس کے بعد سے وہ بیماری سے لڑ رہی ہیں۔
اسکرین ڈیئر می سے گفتگو کرتے ہوئے حنا خان نے کینسر کے ساتھ اپنی جنگ کے بارے میں گفتگو کی اور انکشاف کیا کہ کس طرح بیماری نے ان کے کام کو اثر انداز کیا۔
حنا نے بتایا کہ کئی پراجیکٹس تھے جو میں شروع کرنے والی تھی لیکن باہمی بات چیت کے بعد ہم نے ایک کال کی، ایسا نہیں ہے کینسر دو سے تین ماہ میں ٹھیک ہوجائے گا اس میں ایک سال یا ڈیڑھ سال بھی لگے گا۔
انہوں نے بتایا کہ کینسر کی وجہ سے دوسرے اداکاروں کو ان کی جگہ لینا پڑی، یہ مشکل تھا لیکن ٹھیک تھا، مجھے دو پروجیکٹ چھوڑنے پڑے لیکن اس وقت میں نے صحت کو ترجیح دینا ضروری سمجھا۔
حنا خان نے کہا کہ وہ کام پر واپس آگئی ہیں اور جلد صحت یاب بھی ہورہی ہیں۔
فلم کنٹری آف بلائنڈ سے متعلق انہوں نے کہا کہ ان کی صحت کی وجہ سے اس کی ریلیز کو بھی آگے بڑھایا گیا، لکشمی ویب شو کو بھی اکتوبر میں ریلیز ہونا تھا لیکن اسے آگے بڑھا دیا گیا یہ بڑا وقفہ جو آیا تھا وہ سب میری صحت کی وجہ سے تھا۔
حنا خان کینسر کے بعد ملنے والی حمایت کے لیے مداحوں کی شکر گزار ہیں، انہوں نے کہا کہ لوگوں نے میری لیے دعا کی ہے اور میں واقعی متاثر ہوں۔
آپ کا ردعمل کیا ہے؟
