کیا ایئر کولر سے ہونے والی نمی سے آپ پریشان ہیں؟ آسان حل جان لیں

دنیا کے بیشتر ممالک میں گرمی سے محفوظ رہنے کے لئے روم کولر کا استعمال کیا جاتا ہے، مگر روم کولر کی نمی بعض افراد کے لئے پریشانی کا سبب بن جاتی ہے۔

اگر آپ اپنے کمرے میں روم کولر چلاتے ہیں اور اس سے نمی پیدا ہوتی ہے تو کچھ تدابیر کرنے سے آپ کو نمی سے چھٹکارا مل جائے گا اور صرف ٹھنڈی ہوا میسر آئے گی۔

سب سے پہلے تو آپ کی کوشش یہ ہونی چاہئے کہ کولر کو ہمیشہ کمرے کی کھڑکی یا دروازے کے باہر رکھیں، ایسا کرنے سے نمی نہیں ہوگی۔

اگر آپ کے لئے کمرے کے باہر کھڑکی کے پاس کولر کو رکھنا ممکن نہیں تو کولر میں لگے واٹر پمپ کو بند کر دیں اور صرف پنکھا چلائیں۔ نمی صرف پانی کی وجہ سے ہوتی ہے، اس سے آپ کو نمی سے چھٹکارا مل جائے گا۔

نمی سے محفوظ رہنے کے لئے کولر اور چھت کے پنکھے دونوں کو ایک ساتھ چلائیں۔ اس کے علاوہ کھڑکیوں کو ہلکا سا کھلا رکھیں تاکہ کمرے میں نمی نہ بننے پائے۔

کولر کو میڈیم سے ہائی اسپیڈ پر چلا سکتے ہیں، یہ کرنے سے کمرے میں موجود ہیومیڈیٹی بھی کافی حد تک کمی واقع ہوجائے گی۔

موسم گرما میں بچت کے ساتھ ’اے سی‘ کا استعمال کیسے کیا جائے؟

اگر آپ کے کمرے میں ایگزاسٹ فین لگا ہے تو اسے کولر کے ساتھ آن کریں۔ اگر کمرے میں نہیں ہے، تو آپ کمرے سے منسلک باتھ روم میں لگے ایگزاسٹ فین بھی چلا سکتے ہیں۔