کھمبی/ مشروم کھائیں اسمارٹ رہیں : حیرت انگیز فوائد

کھمبی یا مشروم کو انسانی جسم کے لیے غذائی فوائد سے بھرپور شمار کیا جاتا ہے جو قوت مدافعت کو طاقت دینے اور بیماریوں سے تحفظ فراہم کرنے کے علاوہ جسم کو موٹاپے سے نجات میں مددگار ثابت ہوتی ہیں۔

ماہرین صحت کے مطابق کھمبی یا مشروم خون کے خلیوں کو تحفظ فراہم کرتی ہے اور سرطان کے خلیوں کے خلاف مدافعت کو بڑھاتی ہے اور مدافعت ختم ہوجانے کے مرض "ایڈز” سے بھی حفاظت کرتی ہے۔

اس کے علاوہ یہ بعض نوعیت کے نفسیاتی مریضوں کے لیے بھی بہت مفید ہے مرد و خواتین متناسب اور خوب صورت جسم کو برقرار رکھنا چاہتے ہیں انہیں روزانہ کھمبی ضرور کھانا چاہیے۔

ماہرین کا کہنا کہ جو خواتین خود کو اسمارٹ رکھنا چاہتی ہیں وہ کھمبی استعمال کرکے ڈائٹنگ کئے بغیر مطلوبہ نتائج حاصل کرسکتی ہیں، کھمبی دیگر غذائی اعتبار اور اپنے اجزا کے باعث انسان کیلئے انتہائی مفید ثابت ہوئی ہے۔

کھمبی کا سالن نہایت لذیذ اورمزیدار ہوتا ہے کھمبی کھانے کے بہت سے فائدہ ہیں یہ امراض قلب، ذیابیطس، بلڈ پریشر کا بہترین علاج ہے۔

سائنسدانوں کی تحقیق سے یہ بات سامنے آئی ہے کہ جو لوگ اپنے روزانہ کے معمولات میں مشرومز/ کھمبیوں کا استعمال کرتے ہیں ان میں کینسر ہونے کا خطرہ کم ہوتا ہے۔

تحقیق سے پتا چلتا ہے کہ جو لوگ 18گرام مشرومز جو کہ 8/1سے4/1 کپ کے برابر ہوتے ہیں روزانہ استعمال کرتے ہیں ان میں کینسر ہونے کا امکان بہ نسبت ان لوگوں کے جو مشرومز نہیں کھاتے 45فیصد کم ہوتا ہے۔

سائنس دانوں کا کہنا ہے کہ مشروم میں پروٹین اور وٹامن کی اچھی خاصی قدرتی غذائیت موجود ہے، اس میں موجود سائیکا ڈیلک کمپاؤنڈ بھاری مقدار میں موجود ہوتا ہے جو ڈپریشن کے خاتمے کے لیے دوا جتنا ضروری ہوتا ہے اور مریضوں کو شدید ڈپریشن کی کیفیت سے محفوظ رکھتا ہے۔