کراچی کنگز نے حسن علی کو ڈائمنڈ سے پلاٹینیم کیٹیگری میں ترقی دیدی

کراچی کنگز نے پی ایس ایل 10 میں حسن علی کو ڈائمنڈ سے پلاٹینیم کیٹیگری میں ترقی دے دی۔

ایچ بی ایل پی ایس ایل 10 کے لیے مقامی کھلاڑیوں کی کیٹیگریز کی تجدید کردی گئی جس کے مطابق کراچی کنگز نے حسن علی، کوئٹہ گلیڈی ایٹرز نے محمد عامر، پشاور زلمی نے صائم ایوب اور ملتان سلطانز نے اسامہ میر کو ڈائمنڈ سے پلاٹینیم کیٹیگری میں ترقی دی ہے۔

عماد وسیم، نسیم شاہ، شاداب خان کو اسلام آباد نے پلاٹینیم کیٹیگری میں برقرار رکھا ہے۔

فخر زمان، حارث رؤف اور شاہین آفریدی کو لاہور قلندرز نے پلاٹینیم کیٹیگری میں برقرار رکھا جبکہ ملتان سلطانز افتخار احمد اور محمد رضوان کو پلاٹینیم میں برقرار رکھا ہے۔

پشاور زلمی نے بھی بابر اعظم کو پلاٹینیم کیٹیگری میں برقرار رکھا ہے۔

واضح رہے کہ غیرملکی کھلاڑیوں کی رجسٹریشن 12 دسمبر کو شروع ہوچکی ہے، سیزن ٹین کی ڈرافٹںگ 11 جنوری کو کراچی یا لاہور میں کروائے جانے کا امکان ہے۔