ٹرمپ کی بیٹی ایوانکا کا دیسی اسٹائل سوشل میڈیا پر مقبول
سابق امریکی صدر ڈونلڈ ٹرمپ کی بیٹی ایوانکا ٹرمپ کی دیسی انداز میں تصاویر سوشل میڈیا کی زینت بن گئیں، جبکہ سوشل میڈیا صارفین کی جانب سے انہیں خوب پذیرائی مل رہی ہے۔ غیر ملکی ذرائع ابلاغ کے مطابق سابق امریکی صدر ٹرمپ کی بیٹی ایوانکا ٹرمپ مکیش امبانی کے بیٹے آننت امبانی اور ان […]
سابق امریکی صدر ڈونلڈ ٹرمپ کی بیٹی ایوانکا ٹرمپ کی دیسی انداز میں تصاویر سوشل میڈیا کی زینت بن گئیں، جبکہ سوشل میڈیا صارفین کی جانب سے انہیں خوب پذیرائی مل رہی ہے۔
غیر ملکی ذرائع ابلاغ کے مطابق سابق امریکی صدر ٹرمپ کی بیٹی ایوانکا ٹرمپ مکیش امبانی کے بیٹے آننت امبانی اور ان کی منگیتر رادھیکا مرچنٹ کے ’پری ویڈیگ ایونٹ‘میں اپنے شوہر جیرڈ کشنر اور بیٹی عربیلا روز کشنر کے ساتھ شریک ہوئیں۔
آننت امبانی کے’پری ویڈیگ ایونٹ‘ کے دوران اُنہوں نے فوٹو اینڈ ویڈیو شیئرنگ ایپ انسٹاگرام پر اپنے شوہر اور بیٹی کے ساتھ لی گئی چند تصاویر کو شیئر کیا۔
سابق امریکی صدر کی بیٹی کو ان تصاویر میں مشہور بھارتی ڈیزائنر منیش ملہوترا کی ڈیزائن کی ہوئی ساڑھی پہنے دیکھا جاسکتا ہے۔
آننت امبانی کی شادی کی تقریبات کے موقع پر لی گئی تصاویر شیئر کرتے ہوئے کیپشن میں اُن کا کہنا تھا کہ ’بھارت میں پہلی رات بہت شاندار تھی!‘
سابق امریکی صدر ڈونلڈ ٹرمپ کی بیٹی ایوانکا ٹرمپ کی جانب سے شیئر کی گئی اس پوسٹ کو صارفین کی جانب سے اب تک 2 لاکھ سے زائد لائیکس مل چکے ہیں۔
’امبانی نے سب کو نچادیا‘ اننت امبانی کی پرتعیش ویڈنگ پارٹی پر میمز کی بھرمار
یاد رہے کہ 28 سالہ آننت امبانی رواں سال جولائی میں رادھیکا مرچنٹ کے ساتھ رشتہ ازدواج میں منسلک ہوجائیں گے۔
آپ کا ردعمل کیا ہے؟
