نتاشا اسٹینکوویچ نے بھارت چھوڑنے کے بعد پہلی تصویر شیئر کردی

بھارت کے ورلڈ کلاس آل راؤنڈر ہاردک پانڈیا کی اہلیہ نتاشا اسٹینکوویچ شوہر سے علیحدگی کے بعد بیٹے کے ہمراہ بھارت چھوڑ کر اپنے آبائی ملک سربیا روانہ ہوگئیں۔

بھارتی میڈیا کے مطابق گزشتہ روز سربیئن ماڈل و اداکارہ نتاشا اسٹینکوویچ اپنے بیٹے کے ہمراہ ممبئی ائیرپورٹ پر موجود تھیں۔

Natasa Stankovic Spotted At Mumbai Airport With Son Agastya Amid Buzz Of Separation From Hardik Pandya. pic.twitter.com/bqKNlhjf67

— CineHind (@CineHind) July 17, 2024

پانڈیا کی اہلیہ نے سوشل میڈیا پلیٹ فارم انسٹاگرام اسٹوری پر اپنا سامان پیک کرتے ہوئے ایک تصویر شیئر کی تھی، جس کے کیپشن سے مداحوں نے اندازہ لگایا تھا کہ نتاشا اپنے بیٹے کے ہمراہ آبائی ملک سربیا روانہ ہوگئی ہیں۔

تاہم اب سربیئن ماڈل و اداکارہ نتاشا اسٹینکوویچ نے ایک تصویر شیئر کی ہے، جس میں غالباً وہ اپنے گھر میں موجود ہیں، جبکہ انہوں نے اس کے کیپشن میں لکھا ”ہوم سوئٹ ہوم“۔۔۔

واضح رہے کہ پانڈیا اور سربیئن اداکارہ و ماڈل نتاشا اسٹینکوویچ کی مئی 2020 میں شادی ہوئی تھی، تاہم رواں سال مئی میں اس وقت ان کی علیحدگی کی خبریں سامنے آنے لگیں، جب نتاشا نے اپنے انسٹاگرام اکاؤنٹ پر نام کے ساتھ ’پانڈیا‘ کا نام ہٹا دیا تھا۔

نتاشا کے آئی پی ایل 2024 کے میچز میں شریک نہ ہونے سے بھی دونوں کے درمیان علیحدگی کی افواہوں کو تقویت ملی تھی۔ تاہم اب دونوں کی جانب سے علیحدگی کی تصدیق کی جاچکی ہے۔