مگرمچھ کا گوشت کتنے روپے کلو؟ جان کر آپ حیران رہ جائیں گے (باربی کیو ویڈیو)

دنیا بھر کے لوگوں میں اپنے ثقافتی اور ماحولیاتی حالات کے مطابق کھانے پینے کی عادتیں رائج ہیں، کہیں پر لوگ شاکاہاری یعنی سبزی خور ہیں، تو دوسری طرف دنیا میں زیادہ تر لوگ گوشت خوری کی طرف ہی مائل ملتے ہیں، چاہے وہ سمندری غذا ہو، چکن یا گائے کا گوشت ہو۔

لیکن ایک ایسا ملک بھی ہے جہاں لوگ سب سے زیادہ خطرناک اور سفاک شکاری مگرمچھ کا گوشت کھانے سے لطف اندوز ہوتے ہیں، آپ یقیناً یہ جان کر حیران رہ جائیں گے کہ اس ملک کے لوگ مگرمچھ کے گوشت کا منفرد ذائقہ رکھتے ہیں۔

یہ ملک ہے تھائی لینڈ، جہاں لوگ مگرمچھ کا گوشت نہایت شوق سے کھانا پسند کرتے ہیں، یہاں آپ کھلے باربی کیو پوائنٹس پر مگرمچھ کے گوشت کو بھونتے ہوئے دیکھ سکتے ہیں۔

آپ کو یہ جان کر حیرت ہوگی کہ تھائی لینڈ کے لوگ کھانے میں مگرمچھوں کو اس قدر پسند کرتے ہیں کہ ان کی باقاعدہ بڑے پیمانے پر فارمنگ کی جاتی ہے، تھائی لینڈ میں مگرمچھ کے کئی فارم ہیں جن میں 1.2 ملین سے زیادہ مگرمچھ ہیں۔

یہ مگرمچھ نہ صرف کھانے کے لیے استعمال ہوتے ہیں بلکہ ان کی کھال مہنگے تھیلے بنانے میں بھی استعمال ہوتی ہے، اس کے علاوہ مگرمچھ کا خون بھی ضائع نہیں ہوتا اور مختلف ادویات کی تیاری میں اس کا استعمال ہوتا ہے۔

تھائی لینڈ میں مگرمچھ کا ہر فارم سرکاری رجسٹریشن کے مطابق چلتا ہے اور حکومت کی طرف سے مگرمچھ کو ذبح کرنے کی منظوری دی جاتی ہے، تھائی لینڈ میں آپ کو مگرمچھ کا گوشت تقریباً 570 روپے فی کلوگرام میں مل سکتا ہے، جب کہ مگرمچھ کے خون کی فروخت کی قیمت تقریباً 100 روپے فی کلو ہے۔

سی پی آر کے ذریعے سانپ کی جان بچانے کی ویڈیو وائرل

لیکن دل چسپ بات یہ بھی ہے کہ مگرمچھ کا گوشت اتنا سستا ہونے کے باوجود اس کا صفرا (بائل) بہت مہنگا فروخت ہوتا ہے، اور اس کی قیمت 76,000 روپے فی کلو گرام ہے۔