ماہرہ خان دوسری شادی سے متعلق بات کرتے ہوئے آبدیدہ ہوگئیں

پاکستان شوبز انڈسٹری کی معروف اداکارہ ماہرہ خان دوران انٹرویو اپنی دوسری شادی کے حوالے سے بات کرتے ہوئے بے اختیار رو پڑیں۔

معروف اداکارہ ماہرہ خان نے حال ہی میں بی بی سی کو خصوصی انٹرویو دیا جہاں اُنہوں نے دوسری شادی کے حوالے سے تفصیلی گفتگو کی۔

دوران انٹرویو اداکارہ سے سوال ہوا کہ ایشیا میں آج کے دور میں بھی ایک ایسی عورت جس کے بچے بھی ہوں، اس کے دوسری شادی کرنے کے فیصلے کو زیادہ اچھا تصور نہیں کیا جاتا تو دوسری شادی کے موقع پر کوئی ایسا لمحہ جو آپ لوگوں سے شیئر کرنا چاہتی ہوں۔

اداکارہ نے بتایا کہ مجھے اپنے بیٹے پر فخر ہے، میں چاہتی تھی کہ شادی کی تقریب میں انٹری کے وقت وہ میرے ساتھ ہو تو اس نے میری خواہش کو پورا کردیا۔

اُنہوں نے مزید کہا کہ مجھے اپنی دوسری شادی کے موقع پر ایسا محسوس ہوا کہ انسان کی زندگی میں جو بھی ہوتا ہے وہ اللّٰہ کی مرضی سے ہوتا ہے اور جو اللّٰہ کی مرضی ہوتی ہے اس میں یقیناََ انسان کی بھلائی ہوتی ہے۔

اداکارہ نے بتایا کہ مجھے لگتا ہے کہ ہر بار جب میں نے زندگی میں اچھے کام کیے اور لوگوں کے ساتھ اچھا سلوک کیا اور اپنے آس پاس موجود لوگوں کا خیال رکھا تو اللہ نے مجھے اس کا صلہ بھی دیا ہے۔

ماہرہ خان نے فردوس جمال کے متنازعہ تبصرے پر خاموشی توڑ دیں

سینئر اداکارہ کا مزید کہنا تھا کہ میری دوسری شادی میرے لیے بالکل ایسا ہی لمحہ تھا، میں شادی کی تقریب کے دوران مسلسل’الحمدللّٰہ‘ کہہ رہی تھی اور مجھے اپنے بیٹے پر بہت فخر محسوس ہو رہا تھا۔