اسامہ خان شادی کے سوال پر کیوں بھڑک اُٹھے

پاکستانی شوبز انڈسٹری کے معروف اداکار اسامہ خان نے کہا ہے کہ ہمارے سماج میں لڑکوں اور لڑکیوں سمیت گھر کے تمام مسائل کا حل شادی کروانے کو سمجھا جاتا ہے، اسی باعث کم عمری میں شادیاں کروادی جاتی ہیں۔

اسامہ خان کا ایک پروگرام میں بات کرتے ہوئے کہنا تھا کہ وہ شادی سے متعلق جواب دینا نہیں چاہتے، ہر جگہ ان سے یہی سوال کیا جاتا ہے اور یہ ذاتی سوال ہے اس لئے اس کا جواب دینا ضروری نہیں سمجھتا۔

اسامہ کا کہنا تھا کہ ان پر گھر والوں کی جانب سے شادی کرنے کا بہت زیادہ دباؤ نہیں ہے۔ گھر والے انہیں کبھی کبھار شادی کرنے کا کہتے ہیں لیکن ان پر زیادہ دباؤ نہیں ہے۔

اداکار نے کہا کہ پاکستان میں جہاں بھی گھومنے جائیں ہر جگہ لوگوں کی بھیڑ ہوتی ہے، ملک کی آبادی بہت زیادہ ہے، جس کی ایک وجہ لوگوں کی کم عمری میں شادی کروادینا ہے، کم عمری میں شادی کے بعد لوگ بچے پیدا کرنے میں مصروف ہوجاتے ہیں۔

اسامہ خان کو کس اداکارہ سے ڈر لگتا ہے؟

اُنہوں نے کہا کہ پاکستان میں ہر مسئلے کا حل شادی کو سمجھا جاتا ہے اور والدین کی خواہش رہتی ہے کہ لڑکے اور لڑکی کی عمر 30 سال ہونے سے قبل ہی ان کی شادی کروادی جائے۔