بابر اعظم سے دوستی کرنے میں کوئی حرج نہیں، یشما گل

شوبز انڈسٹری کی معروف اداکارہ یشما گل کا کہنا ہے کہ انہیں بابر اعظم سے دوستی کرنے میں کوئی حرج نہیں ہے۔

اداکارہ یشما گل نے حال ہی میں ایک پروگرام میں شرکت کی جہاں میزبان نے ان سے پسندیدہ کرکٹر اور کرکٹر کے پیغامات کے حوالے سے سوال کیا۔

انہوں نے کہا کہ بابر اعظم میرے پسندیدہ کرکٹر ہیں کیونکہ وہ انٹرنیشنل لیول پر پاکستان کی نمائندگی کررہے ہیں اور وہ دنیا کے نمبر ون بیٹسمین ہے جو پاکستان کے لیے فخر کی بات ہے۔

میزبان نے اداکارہ سے پوچھا کہ کیا آپ کی کسی کرکٹر کے ساتھ دوستی ہے؟

یشما گل نے کہا کہ میری کبھی کسی کرکٹر سے کوئی ملاقات یا بات نہیں ہوئی تو پھر دوستی کیسے ہوسکتی ہے، کرکٹرز ہمارے ہیرو ہیں ان سے بھی دوستی ہوسکتی ہے۔

اداکارہ نے کہا کہ اگر میری بابر اعظم کے ساتھ دوستی ہوجائے گی تو اس میں کوئی حرج نہیں۔

میزبان نے اُن سے پوچھا کہ آج کل پاکستانی کرکٹرز ہماری اداکاراؤں کو سوشل میڈیا پر میسجز کرتے ہیں تو کیا آپ کو کبھی کسی کرکٹر کا میسج آیا ہے؟

اداکارہ نے کہا کہ مجھے کبھی کسی اداکارہ نے نہیں بتایا کہ اُنہیں پاکستانی کرکٹرز کی طرف سے میسجز آرہے ہیں اور اگر میں اپنی بات کروں تو مجھے بھی کبھی کوئی میسج نہیں آیا۔