اپنا خواب کیسے پورا کیا؟ پائلٹ باجی نے راز کی بات بتا دی
کراچی : کینیڈا میں مقیم پاکستانی نژاد پائلٹ باجی نے خواتین کی خود مختاری کی ایک نئی مثال قائم کردی، جنہوں نے اپنی مسلسل محنت اور لگن سے اپنے مقصد میں شاندار کامیابی حاصل کی۔ اس محنتی، جنونی اور خوش اخلاق لڑکی کا نام زیوارد عمران ہے جن کا خواب شوق اور ارادہ بچپن سے […]
کراچی : کینیڈا میں مقیم پاکستانی نژاد پائلٹ باجی نے خواتین کی خود مختاری کی ایک نئی مثال قائم کردی، جنہوں نے اپنی مسلسل محنت اور لگن سے اپنے مقصد میں شاندار کامیابی حاصل کی۔
اس محنتی، جنونی اور خوش اخلاق لڑکی کا نام زیوارد عمران ہے جن کا خواب شوق اور ارادہ بچپن سے ہی پائلٹ بننے کا تھا جو انہوں نے پورا کیا۔
(@pilotbaji)
اے آر وائی نیوز کے پروگرام باخبر سویرا میں سوشل میڈیا پر پائلٹ باجی کے نام سے مشہور ہونے والی باحجاب کمرشل پائلٹ زیوارد عمران نے شرکت کی اور اپنی جدوجہد کے بارے میں ناظرین کو آگاہ کیا۔
انہوں نے بتایا کہ میرے والد ائیر فورس میں پائلٹ تھے اس لیے بچپن سے ان کو دیکتھے ہوئے مجھے بھی یہی شوق پیدا ہوا فوج میں تو نہیں جاسکی لیکن اپنا خواب کمرشل پائلٹ بن کر پورا کیا۔
ایک سوال کے جواب میں زیوارد عمران کا کہنا تھا کہ پائلٹ بننے کا شوق بہت مہنگا اور انتہائی مشکل بھی ہے تاہم کوشش کی جائے تو کچھ ناممکن بھی نہیں۔
سوشل میڈیا پر ’پائلٹ باجی‘ کے نام سے شہرت پانے والی زیوارد عمران نے بتایا کہ وہ بہن بھائیوں میں سب سے بڑی ہیں، ویسے تو مجھے باجی کہلوانا پسند نہیں لیکن جب لوگوں نے کہنا شروع کیا تو اچھا لگا۔
آپ کا ردعمل کیا ہے؟
