انگلینڈ کے خلاف سیریز کیوں ہارے؟ بابر اعظم نے وجہ بتا دی

لندن: انگلینڈ سے ٹی ٹوئنٹی سیریز ہارنے کے بعد قومی ٹیم کے کپتان بابر اعظم کا کہنا ہے کہ ہم ٹریک پر ہیں، چیزیں کلک نہیں کرپا رہے۔

سیریز میں شکست کے بعد پریس کانفرنس کرتے ہوئے با براعظم کا کہنا تھا کہ جب چیزیں تبدیل ہوتی ہیں تو ٹریک پرآنے کیلئے ٹائم چاہئے ہوتا ہے۔

انہوں نے کہا کہ جب ہارتے ہیں اس سے کچھ نا کچھ سیکھتے ہیں، بحیثیت ٹیم ہم کولیپس کرگئے ہیں،ٹیم میں تمام کھلاڑی میرٹ پرآئے ہیں،جب کسی کھلاڑی کی پرفارمنس اچھی نہیں ہوتی کہا جاتاہے سلیکشن غلط ہے۔

بابر اعظم نے کہا کہ جب پرفارم کرے تو کہتے ہیں ٹیم میں کیوں نہیں، ہائی اسکورننگ میچ میں چانس لینا پڑتا ہے، مانتاہوں ہم نے بولنگ بیٹنگ میں غلطیاں کی ہیں۔

واضح رہے کہ انگلینڈ نے پاکستان کو چوتھے ٹی ٹوئنٹی میں 7 وکٹوں سے شکست دے دی، انگلینڈ نے 4 میچوں کی سیریز میں 2 صفر سے فتح حاصل کرلی۔

میزبان ٹیم نے 158رنز کا ہدف 16ویں اوور میں حاصل پورا کرلیا، فل سالٹ نے 45، جوز بٹلر نے 39 رنز اور ول جیک 20 رنز بناکر پویلین لوٹے۔

پاکستان نے چوتھے ٹی ٹوئنٹی میچ میں انگلینڈ کو جیت کے لیے 158 رنز کا ہدف دیا تھا۔ جسے انگلینڈ نے 16ویں اوور میں با آسانی حاصل کرلیا۔ فل سالٹ نے 45، جوز بٹلر نے 39 رنز اسکور کیے۔

بابر اعظم نے ٹی 20 انٹرنیشنل میں ایک اور اعزاز حاصل کرلیا

ول جیکس نے 20 رنز بنائے، جونی بیئرسٹو 28 اوربروک 17 رنز پر ناقابل شکست رہے،حارث رؤف نے 38 رنز کے عوض 3 وکٹیں حاصل کیں۔