27 سال سے لاپتہ شخص کو ’’جادو‘‘ کر کے کہاں قید رکھا گیا؟ حیرت انگیز انکشاف

کسی بھی گھرانے کا فرد لاپتہ ہوجائے تو اس کی تلاش میں کونا کونا چھان مارا جاتا ہے لیکن ایک 26 سال سے لاپتہ شخص جب بازیاب ہوا تو اس کی قید کی جگہ جان کر سب حیران رہ گئے۔

یہ واقعہ افریقی ملک الجیریا کا ہے جہاں عمر بی نامی شخص 1997 میں خانہ جنگی کے دوران لاپتہ ہوگیا تھا اور اس وقت اس کی عمر 18 سال تھی کافی تلاش کے بعد بھی وہ نہ ملا تو اہلخانہ نے ملکی حالات کے پیش نظر یہ سمجھا کہ شاید اسے اغوا کرکے قتل کر دیا گیا ہے۔

تاہم گزشتہ دنوں ڈیلفا شہر سے 200 میٹر کے فاصلے پر گھاس کے ایک ڈھیر سے 45 سالہ شخص بازیاب کرایا گیا جو 1998 میں لاپتہ ہوے والا عمر بی تھا۔

غیر ملکی میڈیا رپورٹ کے مطابق نوجوان کا پتہ اس طرح چلا کہ اغوا کار کے بھائی نے وراثت کے تنازع کے بعد سوشل میڈیا پر پوسٹ شیئر کر کے اس واقعے سے پردہ اٹھایا اور بھائی کے مجرمانہ کرتوت سے دنیا کو آگاہ کیا۔

مقامی میڈیا کے مطابق بازیاب شخص کا کہنا ہے کہ وہ اغوا کیے جانے کے بعد کسی کو بھی مدد کے لیے پکارنے سے قاصر تھا کیونکہ اغوا کار نے اس پر کسی قسم کا جادو کر رکھا تھا جس نے اس کی زبان بند کر دی تھی۔

اس حوالے سے وزارت انصاف کا کہنا ہے کہ 61 سالہ ملزم قریبی قصبے ال گویدڈمیں بلدیاتی ادارے کا ڈور مین ہے جس نے فرار ہونے کی کوشش کی تاہم اسے پکڑ لیا گیا ہے۔

وزارت انصاف نے واقعے کو ’گھناؤنا‘ قرار دیتے ہوئے کہا ہے کہ اس کی تحقیقات جاری ہیں جب کہ متاثرہ شخص کو طبی اور نفسیاتی امداد فراہم کی جا رہی ہے۔