پیرس اولمپکس : خاتون باکسر اور مرد ٹرانسجینڈر کا مقابلہ، سوشل میڈیا پرنئی بحث

پیرس اولمپکس کے باکسنگ ایونٹ میں خاتون باکسر کے مدمقابل مبینہ طور پر ٹرانسجینڈر سے کرانے پر نیا تنازعہ کھڑا ہوگیا، الجزائر کی ایمان خلیف کے مُکے سے اطالوی باکسر انجلینا کارینی کی ناک سے خون نکل پڑا۔

پیرس اولمپکس کے وومن باکسنگ کے مقابلے میں اٹلی کی باکسر نے کھیل شروع ہوتے ہی الجیریا کی باکسر سے ہار مان لی۔

الجیریا کی باکسر نے پہلے راؤنڈ کے 46ویں منٹ میں ہی اٹلی کی خاتون باکسر اینجلا کیرنی کو مقابلے سے دستبردار ہونے پر مجبور کردیا، تاہم اس مقابلے کے بعد الجیریا کی باکسر ایمان خلیف کی جنس کے متعلق سوالات نے جنم لے لیا۔

مقابلہ 46 سیکنڈ سے زیادہ نہیں چلا جب ایمان خلیفہ نے اپنی اطالوی حریف کو دو مکے مارے تو اینجلا کیرنی نے چلاتے ہوئے کہا یہ مناسب نہیں ہے اور پھر گھٹنے ٹیک کر رونے لگی اور لڑنے سے انکار کردیا۔

اطالوی خاتون باکسر انجیلا کیرینی نے میڈیا سے گفتگو میں انکشاف کیا کہ وہ الجزائر کی خاتون ایمان خلیف کے خلاف لڑائی سے صرف اس لیے دستبردار ہوئیں تاکہ اپنی زندگی کو محفوظ رکھ سکوں۔

اینجلا کیرنی نے کہا کہ یہ نا انصافی ہے کیوں کہ وہ سمجھتی ہیں کہ الجیرین باکسر میں خاتون سے زیادہ مردوں والی خصوصیات ہیں اور اُن کے مکوں میں بہت زیادہ طاقت تھی۔

خاتون باکسر انجیلا کرینی نے بتایا کہ میں نے اپنی ناک میں شدید درد محسوس کیا اور میں نے اپنے آپ سے کہا کہ یہ بہتر ہے۔ کیونکہ پہلے گھونسے سے ہی میری ناک سے خون ٹپکنے لگا ہے۔

الجزائر کی خاتون باکسر ایمان خلیف کے ایک مُکے نے نئی بحث چھیڑ دی ہے، ان کی جنس پر سوالات اٹھائے جارہے ہیں۔ سوشل میڈیا پر ان کی ’جنس‘ سے متعلق بحث زور پکڑ گئی ہے، صارفین کاکہنا ہے کہ چند سیکنڈ میں مقابلہ جیتنے والی باکسر مرد ہے یا عورت؟

صارفین یہ سوالات بھی اٹھا رہے ہیں کہ پیدائشی طور پر مرد باکسر خواتین کی کھیلوں میں حصہ لینے کے اہل ہیں یا ایسی اجازت نہیں دی جا سکتی۔

واضح رہے کہ الجیرین باکسر ایمان کو پچھلے برس ورلڈ چیمپئن شپ سے نکال دیا گیا تھا کیوں کہ وہ جینڈر ٹیسٹ پاس کرنے میں ناکام رہی تھیں۔

اس سال انٹرنیشنل اولمپک کمیٹی نے ایمان کو پیرس اولمپکس میں مقابلے کی اجازت دی تھی کیوں کہ آئی او سی کے قوانین انٹرنیشنل باکسنگ ایسوسی ایشن سے مختلف ہیں اس واقعے پر بہت تنقید کی جارہی ہے۔

یاد رہے کہ پیرس اولمپکس کے چھٹے دن ویمن باکسنگ کی 66 کلو گرام کیٹیگری کے راؤنڈ آف سکسٹین میں اٹلی کی اینجلا کیرنی اور الجیریا کی ایمان خلیف کے درمیان مقابلہ تھا۔

ایکس رائیلی گینز نامی ایک صارف اپنے ایک ٹویٹ میں لکھتی ہیں کہ عورتوں کے مقابلوں میں مردوں کا کیا کام۔ اب اس ٹویٹ پر جواب خود ایکس کے مالک ایلن مسک نے ’ایبسولیوٹلی‘ کہہ کر دیا ہے۔

سباطینو نامی صارف نے لکھا کہ ایک مرد نے دنیا کے سامنے ایک خاتون کو مکا دے مارا اور دنیا اس شخص جیسا کردار ادا کر رہی ہے جو پڑوس میں ایک شخص کو اپنی بیوی کو مارتے سن پا رہے ہیں مگر مدد کے لیے کچھ نہیں کر پا رہا ہوتا ہے۔

باکسنگ ایم ڈی نامی صارف نے ایکس پر لکھا ’توقع کے مطابق تباہ کن۔ اولمپک باکسنگ میں انجیلا کرینی کو 46 سیکنڈ میں شکست دینے والی ایمان خلیف نے ان کی ناک توڑ دی۔ یہ نہ صرف غیر منصفانہ ہے بلکہ مہلک بھی ہوسکتا ہے۔‘

ہیزل اپیلیارڈ نامی صارف کا کہنا تھا کہ ’ آج انجیلا کرینی نے اولمپکس کے اپنے خوابوں کو ایک مرد باکسر ایمان خلیف کے ہاتھوں چکنا چور کر دیا۔ اس پر خاموش نہ رہیں۔ مردوں کو کھیل میں خواتین کو شکست دینے کی اجازت نہیں دی جانی چاہیے۔ خواتین کے کھیلوں کو بچائیں۔‘