پاکستانی صارف کے ٹوئٹ پر کیوی کرکٹر بھڑک اٹھے

پاکستانی صاف کے ٹوئٹ پر کیوی کرکٹر مچل میک کلینگن بھرک اٹھے۔

آئی سی سی مینز ٹی ٹوئنٹی ورلڈ کپ کے 26 ویں میچ میں  ویسٹ انڈیز نے نیوزی لینڈ کو 13 رنز سے شکست دے دی جس کے بعد کیوی ٹیم کی سپر 8 مرحلے میں رسائی ناممکن ہوگئی ہے۔

گروپ سی کی دونوں ٹیموں کے درمیان ٹرینیڈاڈ کے برائن لارا اسٹیڈیم میں میچ کھیلا گیا جس میں نیوزی لینڈ نے ٹاس جیت کر پہلے فیلڈنگ کا فیصلہ کیا تھا۔

ویسٹ انڈیز نے مقررہ 20 اوورز میں مجموعی طور پر 9 کھلاڑیوں کے نقصان پر 149 رنز اسکور کیے اور نیوزی لینڈ کو میچ جیتنے کیلئے 150 رنز کا ہدف دیا لیکن ہدف کے تعاقب میں کیوی ٹیم 9 وکٹوں کے نقصان پر 136 رنز بناسکی۔

کیوی ٹیم کی شکست پر سوشل میڈیا پر ایک صارف نے کیوی ٹیم کو ٹرول کرتے ہوئے لکھا کہ ’ایسا ہوتا ہے جب آپ قومی فرض پر پیسے کو ترجیح دیتے ہیں، نیوزی لینڈ کے پاس ورلڈ کپ 2024 کے لیے خود کو تیار کرنے کا بہترین موقع تھا۔‘

مچل میک کلینگن کو صارف کا یہ ٹوئٹ برا لگ گیا اور انہوں نے لکھا کہ ’آپ ہماری سی سائیڈ، آئرلینڈ اور امریکا سے بھی ہارے ہیں۔‘