ورلڈکپ سے قبل ویسٹ انڈیز نے خطرے کی گھنٹی بجا دی

ٹی ٹوئنٹی ورلڈکپ سے چند روز قبل جنوبی افریقا کے خلاف سیریز جیت کر ویسٹ انڈیز نے خطرے کی گھنٹی بجا دی۔

روسٹن چیس نے ویسٹ انڈیز کو جنوبی افریقہ کے خلاف ٹی ٹوئنٹی سیریز میں فتح دلادی۔ روسٹن چیز نے 38 گیندوں پر 67 رنز کی شاندار اننگز کھیلی جس کی مدد سے ویسٹ انڈیز نے اتوار کو سبینا پارک میں جنوبی افریقہ کو 16 رنز سے شکست دی۔

ویسٹ انڈیز نے تین میچوں کی سیریز میں 2-0 کی ناقابل تسخیر برتری حاصل کر لی۔

چیس سے پہلے ویسٹ انڈیز کے کپتان برینڈن کنگ (36) اور کائل میئرز (32) نے پہلے چھ اوورز میں ہوم ٹیم کو 51 رنز تک پہنچا دیا۔

اگلے اوور میں کنگ 54 رنز بنا کر آؤٹ ہوئے جس کے بعد چیس نے جارحانہ بلے بازی کرتے ہوئے بولرز کو دھو ڈالا۔ انہوں نے آندرے فلیچر (29) کے ساتھ 36 گیندوں میں 56 رنز کی شراکت قائم کی اس سے پہلے کہ اینڈیل پھہلوکوایو نے 15 ویں اوور میں شراکت توڑ دی۔

چیس 67 پر ناٹ آؤٹ رہے، انہوں نے سات چوکے اور دو چھکے لگا کر ویسٹ انڈیز کو مقررہ 20 اوورز میں 207 تک پہنچا دیا۔

جنوبی افریقا کی جانب سے ڈیبیو کرنے والے نقابایومزی پیٹر، فیہلوکوایو اور لونگی نگیڈی نے دو دو وکٹیں حاصل کیں۔

جنوبی افریقہ نے ہداف کے تعاقب میں جارحانہ انداز اپنایا اور اوپنرز ریزا ہینڈرکس اور کوئنٹن ڈی کاک نے 4.5 اوورز میں 81 رنز بنائے۔ ڈی کوک نے صرف 17 گیندوں پر 41 رنز بنائے۔

مہمان ٹیم آخری اوورز میں رن ریٹ کو برقرار رکھنے میں ناکام رہی اور 7 وکٹوں پر 191 رنز تک محدود رہی۔