میکا سنگھ نے راحت فتح علی کے منیجر کو آڑے ہاتھوں لے لیا
بھارت کے پنجابی گلوکار میکا سنگھ نے پاکستانی گلوکار راحت فتح علی کے منیجر کو جھوٹی افواہیں پھیلانے پر آڑے ہاتھوں لے لیا۔ گلوکار میکا سنگھ نے فوٹو اینڈ ویڈیو شیئرنگ ایپ انسٹاگرام پر راحت فتح علی کی حمایت میں پیغام جاری کیا جس میں انہوں نے گرفتاری کی جھوٹی افواہ پھیلانے پر سخت ردعمل […]
بھارت کے پنجابی گلوکار میکا سنگھ نے پاکستانی گلوکار راحت فتح علی کے منیجر کو جھوٹی افواہیں پھیلانے پر آڑے ہاتھوں لے لیا۔
گلوکار میکا سنگھ نے فوٹو اینڈ ویڈیو شیئرنگ ایپ انسٹاگرام پر راحت فتح علی کی حمایت میں پیغام جاری کیا جس میں انہوں نے گرفتاری کی جھوٹی افواہ پھیلانے پر سخت ردعمل کا اظہار کیا ہے۔
میکا سنگھ نے پیغام میں لکھا کہ مجھے اسی بات سے سخت نفرت ہے، ان کا مینیجر ایسی احمقوں والی حرکتیں اپنے آرٹسٹ کے لیے کیوں کر رہا ہے، اس نے نام، شہرت، دولت اور پہچان کمائی ہے اور اب ایسی اوچھی حرکت کر رہا ہے۔
انہوں نے مزید لکھا کہ سلمان بھائی، یہ اچھی بات نہیں ہے، راحت فتح علی خان تمھارے بھائی جیسے ہیں۔
واضح رہے کہ پاکستان کے معروف گلوکار راحت فتح علی خان کی دبئی ایئرپورٹ پر گرفتاری کی خبریں سامنے آئی تھیں جس کے بعد انہوں نے ایک ویڈیو کے ذریعے اپنی گرفتاری کی خبروں کی تردیدی کی تھی۔
ذرائع کے مطابق راحت فتح علی خان کے سابق منیجر نے ان کے خلاف دبئی حکام کو درخواستیں دے رکھی ہیں، چند ماہ قبل گلوکار نے منیجر کو تنازع کے بعد فارغ کردیا تھا۔
میڈیا رپورٹ کے مطابق راحت فتح علی خان اور سابق پروموٹر سلمان نے ایک دوسرے کے خلاف مقدمات بھی دائر کر رکھے ہیں۔
آپ کا ردعمل کیا ہے؟
