عروہ حسین نے شہریار منور کیساتھ نئے گانے کی جھلک جاری کردی
شوبز انڈسٹری کی معروف اداکارہ عروہ حسین نے اداکار شہریار منور کے ساتھ اپنے نئے گانے کی جھلک جاری کردی۔ فوٹو اور ویڈیو شیئرنگ ایپ انسٹاگرام پر عروہ حسین نے ویڈیو اور تصاویر شیئر کیں جس میں انہیں ساتھی اداکار شہریار منور کے ساتھ لاہور میں گانے کی شوٹنگ کرتے دیکھا جاسکتا ہے۔ اس موقع […]
شوبز انڈسٹری کی معروف اداکارہ عروہ حسین نے اداکار شہریار منور کے ساتھ اپنے نئے گانے کی جھلک جاری کردی۔
فوٹو اور ویڈیو شیئرنگ ایپ انسٹاگرام پر عروہ حسین نے ویڈیو اور تصاویر شیئر کیں جس میں انہیں ساتھی اداکار شہریار منور کے ساتھ لاہور میں گانے کی شوٹنگ کرتے دیکھا جاسکتا ہے۔
اس موقع پر عروہ حسین نے سیاہ لباس زیب تن کیا ہے جبکہ شہریار منور براؤن کُرتے اور جینز میں ملبوس ہیں۔
عروہ حسین نے پوسٹ میں بتایا کہ وہ اور شہریار منور معروف گلوکار راحت فتح علی خان کے نئے گانے میں ساتھ نظر آئیں گے۔
شہریار منور اور عروہ حسین کے نئے گانے کا ٹائٹل ’عشق رنگ طاری‘ ہے تاہم اداکارہ نے یہ نہیں بتایا کہ گانا کب ریلیز ہوگا۔
سوشل میڈیا صارفین کی جانب سے اداکارہ کی ویڈیو اور تصویر کو پسند کیا جارہا ہے اور مداح ان کے نئے گانے کے منتظر ہیں۔
واضح رہے کہ شہریار منور اے آر وائی ڈیجیٹل کے ڈرامہ سیریل ’رد‘ میں ’سالار‘ کا مرکزی کردار نبھا رہے ہیں، ان کے ساتھ لیڈ رول میں حبا بخاری (ایمان) شامل ہیں۔
ڈرامے کی دیگر کاسٹ میں ارسلان نصیر، محمد احمد، دانیہ انور، نعمان اعجاز، نادیہ افگن، اسما عباس، پارس مسرور، عصمت زیدی ودیگر شامل ہیں۔
’رد‘ کی ہدایت کاری کے فرائض احمد بھٹی نے انجام دیے ہیں جبکہ اس کی کہانی صنم زریاب نے لکھی ہے۔
آپ کا ردعمل کیا ہے؟
