شیراز کے والد نے چائلڈ بلاگرز کو کیا پیغام دیا؟

پاکستان سے تعلق رکھنے والے ننھے وی لاگرز شیراز اور مسکان نے اس وقت انٹرنیٹ پر دھوم مچائی ہوئی ہے، بہت بڑی تعداد میں لوگ ان معصوم بچوں کی باتوں سے متاثر ہوکر ان کے اکاؤنٹ کو فالو کر رہے ہیں۔

حال ہی میں شیراز کے والد نے اپنے بچوں کے ڈیجیٹل میڈیا میں انٹری کے سفر سے متعلق گفتگو کی اور لوگوں کو تعلیم کی اہمیت سے متعلق آگاہ کیا۔

شیراز کے والد نے اس حوالے سے بات کرتے ہوئے کہا کہ انہو ں نے اپنے بچوں کی ویڈیو اس لیے شیئر کی کیونکہ یہ اتنی پیاری اور اچھی طرح بنائی گئی تھی کہ انہیں محسوس ہوا کہ اسے دنیا کے ساتھ شیئر کیا جانا چاہئے۔

شیراز کے والد نے بتایا کہ میرے بچے کی پہلی ویڈیو اس کی والدہ کے موبائل میں بنی تھی، جسے دیکھ کر میں نے انداز لگالیا تھا کہ اس میں وی لاگنگ کرنے کی صلاحیت موجود ہے۔

انہوں نے یہ بھی کہا کہ جب ویڈیو وائرل ہوئی اور سب نے شیراز کیلئے محبتیں اور پیغامات بھیجے تو انکی خوشی کی انتہاء نہ رہی۔

شیراز کے والد نے کہا کہ وہ اپنے بچوں کی تعلیم کو ہر چیز سے زیادہ ترجیح دیتے ہیں وہ دوسرے بچوں کی وی لاگنگ کی قدر کرتے ہیں لیکن انکے والدین کو میرا پیغام ہے کہ وہ تعلیم پر سمجھوتہ نہ کریں کیونکہ تعلیم ہمیشہ آپ کی ہر چیز میں مدد کرتی ہے۔

وی لاگر شیراز نے پسندیدہ پاکستانی کرکٹر کا نام بتادیا

شیراز کے والد کا مزید کہنا تھا کہ شیراز کے مشہور ہونے سے وہ اپنے گاؤں کو بنیادی ضروریات حاصل کرنے میں مدد کر سکیں گے اور ان کی یہ شہرت ان کے علاقے کے لئے بھی سود مند ثابت ہوگی۔