سوناکشی کے ہونیوالے شوہر ظہیر اقبال کون ہیں؟

ویب سیریز ہیرا منڈی کی اداکارہ سناکشی سنہا کی شادی خبریں گرم ہیں، تاہم بہت کم لوگ جانتے ہیں کہ ان کے ہونے والے شوہر ظہیر اقبال کون ہیں۔

بالی وڈ کی دبنگ گرل سناکشی سنہا نے اپنی زندگی کا ایک اور سنگ میل عبور کرتے ہوئے شادی کرنے جارہی ہیں۔ سوناکشی کو تو مداح اچھی طرح جانتے ہیں تاہم ان کے ہونے والے شوہر ظہیر اقبال کے بارے میں لوگ زیادہ نہیں جانتے۔

یہ بات شاید کم لوگ جانتے ہوں گے کہ ظہیر اقبال 2019 میں فلم نوٹ بُک سے بالی وڈ میں قدم رکھا تھا جبکہ انھوں نے 2014 میں فلم ’جے ہو‘ میں سلمان خان کے ساتھ بطور اسسٹنٹ ڈائیریکٹر خدمات انجام دیں۔

ظہیر بھارتی سپراسٹار سلمان خان کے بچپن کے دوست اقبال رتنسی کے صاحبزادے ہیں جو کہ زیورات کا کاروبار کرتے ہیں، اگرچہ ظہیر اقبال کی دلچسپی اپنے فیملی بزنس میں تھی لیکن سلمان کے مشورے پر انھوں نے اداکاری کی دنیا میں قدم رکھا۔

سوناکشی سنہا کے ہونے والے شوہر ظہیر کی بہن بھی بالی وڈ سے جڑی ہیں، صنم رتنسی بھارتی فلم انڈسٹری میں ایک مشہور اسٹائلسٹ ہیں۔

ظہیر اشتہارات اور برانڈ انڈروزمنٹس میں بھی کام کرتے نظر آتے ہیں جبکہ بھارتی میڈیا رپورٹس کے مطابق دبنگ گرل کے ہونے والے شوہر کی مجموعی دولت 102 کروڑ کے قریب ہے۔

خیال رہے کہ سوناکشی اور ظہیر 2022 میں ریلیز ہونے والی فلم ’ڈبل ایکس ایل‘ میں ایک ساتھ کاسٹ کیے گئے تھے، ممکنہ طور پر اسی فلم کے سیٹ پر وہ قریب آئے۔

سوناکشی اور ظہیر قرب ظاہر کرنے کے لیے انسٹاگرام پر ایک دوسرے کے ہمراہ اکثر تصاویر شیئر کرتے رہے ہیں، بالخصوص خ سوناکشی کی سالگرہ پر ظہیر نے خصوصی برتھ ڈے پوسٹ لگائی تھی۔