بھارت، آسٹریلیا کو ہرا کر سیمی فائنل میں پہنچ گیا
ٹی 20 ورلڈ کپ سپر ایٹ مرحلے کے میچ میں بھارت نے آسٹریلیا کو 24 رنز سے شکست دے کر سیمی فائنل میں جگہ بنالی۔ سینٹ لوشیا میں کھیلے گئے میچ میں بھارت کی جانب سے دیے گئے 206 رنز کے تعاقب آسٹریلیا کی ٹیم مقررہ اوورز میں 7 وکٹوں کے نقصان پر 181 رنز […]
ٹی 20 ورلڈ کپ سپر ایٹ مرحلے کے میچ میں بھارت نے آسٹریلیا کو 24 رنز سے شکست دے کر سیمی فائنل میں جگہ بنالی۔
سینٹ لوشیا میں کھیلے گئے میچ میں بھارت کی جانب سے دیے گئے 206 رنز کے تعاقب آسٹریلیا کی ٹیم مقررہ اوورز میں 7 وکٹوں کے نقصان پر 181 رنز بناسکی، شکست کے بعد آسٹریلیا کی سیمی فائنل میں رسائی مشکل ہوگئی ہے۔
ٹریوس ہیڈ کی 43 گیندوں پر 76 رنز کی اننگز بھی آسٹریلیا کو شکست سے نہ بچاسکی۔ کپتان مچل مارش 37 رنز کے ساتھ نمایاں رہے۔
گلین میکسویل 20 رنز بنا کر کلدیپ یادیو کو وکٹ دے بیٹھے، ڈیوڈ وارنر 6 رنز بنا کر پویلین لوٹ گئے، مارکس اسٹونس 2 اور ٹم ڈیوڈ 15 رنز بناسکے۔
میتھیو ویڈ ایک رن بنا کر ارشدیپ سنگھ کا نشانہ بنے، پیٹ کمنز 11 رنز بنا کر ناٹ آؤٹ رہے۔
بھارت کی جانب سے ارشدیپ سنگھ نے تین کھلاڑیوں کو پویلین کی راہ دکھائی، کلدیپ یادیو نے دو، جسپریت بمراہ اور اکشر پٹیل نے ایک، ایک وکٹ حاصل کی۔
بھارت نے پہلے بیٹنگ کرتے ہوئے مقررہ اوورز میں 5 وکٹوں کے نقصان پر 205 رنز بنائے تھے اور آسٹریلیا کو جیت کے لیے 206 رنز کا ہدف دیا تھا۔
کپتان روہت شرما نے 41 گیندوں پر 92 رنز کی برق رفتار اننگز کھیلی، ان کی اننگ میں 8 چھکے اور 7 چوکے شامل تھے۔ انہوں نے مچل اسٹارک کے ایک اوور میں 29 رنز بنائے، سوریا کمار یادیو 31 رنز کے ساتھ نمایاں رہے۔
ویرات کوہلی بغیر کوئی رن بنائے پویلین لوٹ گئے، رشبھ پنت 15 رنز بناسکے، شیوم دوبے 28 رنز بنا کر آؤٹ ہوئے، ہاردک پانڈیا 27 رنز کے ساتھ ناٹ آؤٹ رہے۔
آسٹریلیا کی جانب سے مچل اسٹارک نے چار اوورز میں 45 رنز دے کر دو وکٹیں حاصل کیں، مارکس اسٹونس دو اور جوش ہیزل ووڈ ایک وکٹ حاصل کرسکے۔
اس سے قبل آسٹریلوی کپتان مچل مارش ٹاس جیت کر روہت شرما الیون کو پہلے بیٹنگ کی دعوت دی تھی۔
آسٹریلوی ٹیم کی قیادت مچل مارش کررہے ہیں، دیگر کھلاڑیوں میں ڈیوڈ وارنر، ٹریوس ہیڈ، گلین میکسویل، مارکس اسٹونس، ٹم ڈیوڈ، میتیو ویڈ، پیٹ کمنز، مچل اسٹارک، ایڈم زمپا اور جوش ہیزل ووڈ شامل ہیں۔
بھارتی ٹیم میچ جیت کر سیمی فائنل میں جگہ پکی کرلے گی۔
واضح رہے بھارت اس ٹورنامنٹ میں ناقابلِ شکست رہا ہے جبکہ افغانستان سے شکست کے بعد آسٹریلیا کو سیمی فائنل تک رسائی کے لیے یہ میچ جیتنا لازم ہے۔
اس سے قبل کھیلے گئے میچ میں جنوبی افریقہ نے ویسٹ انڈیز کو شکست دے کر سیمی فائنل کے لیے کوالیفائی کرلیا ہے۔
آپ کا ردعمل کیا ہے؟
