ایپس سے رقوم نکلوانا محفوظ نہیں، مائیکرو سافٹ نے خبردار کردیا

امریکی ٹیکنالوجی کمپنی مائیکرو سافٹ نے تمام اینڈروئیڈ صارفین کو خبردار کیا ہے کہ مختلف ایپس سے رقوم نکلوانے والوں کے اکاؤنٹس باآسانی ہیک کیے جاسکتے ہیں۔

اس حوالے سے کمپنی کا کہنا ہے کہ نامعلوم ہیکرز آپ کے فون اکاؤنٹس اور ’منی ایپ‘ تک رسائی حاصل کرکے آپ کی رقم اور دیگر معلومات چوری کرسکتے ہیں۔

غیر ملکی خبر رساں ادارے کی رپورٹ کے مطابق مائیکروسافٹ محققین کا کہنا ہے کہ اینڈروئیڈ صارفین یہ بات ذہن نشین کرلیں کہ ہیکرز خفیہ حملوں کے ذریعے آپ کے اکاؤنٹس کو استعمال کرسکتے ہیں اور آپ کو اس کا علم بھی نہیں ہو سکے گا۔

رپورٹ میں کہا گیا ہے کہ محققین نے حال ہی میں دریافت کیا ہے کہ اینڈروئیڈ ایپس ایک عام سیکیورٹی کمزوری کی وجہ سے ڈیٹا کے چوری، میلویئر اور دیگر حملوں کا شکار ہوسکتی ہیں۔

دی سن کی رپورٹ میں انکشاف کیا گیا ہے کہ یہ حملے اکثر ان اینڈرائیڈ ایپلی کیشنز پر کیے گئے ہیں جو دوسرے صارفین کے ساتھ شیئر کی جاتی ہیں۔

انہوں نے بتایا ہے کہ ’ڈرٹی اسٹریم’ نامی مشہور ایپس کسی دوسری ایپ میں فائل بھیجتی ہیں جس کے بعد یہ حملہ آور ایک جعلی ایپ بنا لیتے ہیں جو صارف کی منظوری یا علم کے بغیر براہ راست وصول کر لیتے ہیں۔

مائیکروسافٹ کے محققین کے مطابق ان ایپس میں سے 4، جن کا نام ظاہر نہیں کیا گیا ہے، کو 500 ملین سے زیادہ بار ڈاؤن لوڈ بھی کیا جا چکا ہے۔