آئی سی سی ویمن پلیئر آف دی منتھ کا اعزاز کس نے حاصل کیا؟

دبئی: انٹرنیشنل کرکٹ کونسل (آئی سی سی) نے ویمن پلیئر آف دی منتھ کے ناموں کا اعلان کردیا۔

انگلینڈ ٹیم کے بولر گس ایٹکنسن اور سری لنکا ویمن ٹیم کی کپتان چماری اتھاپاتھو نے آئی سی سی پلیئرز آف دی منتھ کا اعزاز حاصل کر لیا۔

سری لنکا کی کپتان چماری اتھاپاتھو نے اپنی شاندار بیٹنگ سے ٹیم کو ویمن ایشیا کپ کا ٹائٹل جتوایا۔

سری لنکا ویمن ٹیم نے ایشیا کپ کے فائنل میں بھارت کو شکست دے کر ایونٹ کا ٹائٹل پہلی بار اپنے نام کیا تھا۔

چماری اتھاپاتھو نے ایونٹ میں 146.85 کے اسٹرائیک ریٹ سے کل 304 رنز اسکور کیے جس میں ان کی 119 رنز کی شاندار اننگز بھی شامل ہے۔

دوسری جانب گزشتہ ماہ جولائی میں ویسٹ انڈیز کے خلاف ٹیسٹ سیریز میں انگلش فاسٹ بولر گس ایٹکنسن نے بہترین بولنگ کی تھی۔ انہوں نے ٹیسٹ سیریز میں 16.22 کی اوسط سے 22 وکٹیں حاصل کیں۔

لارڈز کے میدان میں گس ایٹکنسن نے اپنے ڈیبیو ٹیسٹ میچ میں 45 رنز دے کر 7 وکٹیں اپنے نام کی تھیں۔