ارشد ندیم کا طیارہ پیرس سے پاکستان کیلئے روانہ ہوگیا

پیرس اولمپکس 2024 کے جیولین تھرو میں تاریخ رقم کرنے والے قومی ایتھلیٹ اشد ندیم پاکستان روانگی کیلئے پیرس ایئرپورٹ پرطیارے میں سوارہوگئے۔

ایئر پورٹ پر پہلے سے موجود شرکاء نے تالیاں بجا کر فخرپاکستان ارشد ندیم کا استقبال کیا، اس موقع پر پیرس ایئر پورٹ پاکستان باد، ارشد ندیم زندہ باد کے نعروں سے گونج اُٹھا۔

ارشد ندیم کو پیرس ایئرپورٹ پر پاکستانی سفارتخانے کی جانب سے پروٹوکول فراہم کیا گیا، قومی ایتھلیٹ آج رات ایک بجے لاہور ایئرپورٹ پہنچیں گے۔ قومی ہیرو ارشد ندیم کا لاہور ایئرپورٹ پر شاندار استقبال کیا جائے گا۔

واضح رہے کہ پیرس اولمپکس 2024 کے جیولین تھرو میں تاریخ رقم کرنے والے قومی ایتھلیٹ اشد ندیم کو گزشتہ رات گولڈ میڈل پہنانا گیا تھا۔

پیرس اولمپکس 2024 میں جیولن تھرو مقابلے میں کامیاب ایتھلیٹس کو میڈلز پہنانے کی تقریب ایفل ٹاور کے قریب چیمپئنز پارک میں منعقد ہوئی۔

پاکستان کے ارشد ندیم نے اولمپک ریکارڈ کے ساتھ جیولن تھرو مقابلے میں گولڈ میڈل جیتا، انہوں نے 92.97 میٹر تھرو کر کے نیا اولمپک ریکارڈ قائم کیا۔

ارشد ندیم کی شاندار فتح : ہربھجن سنگھ بھی بول پڑے

ارشد ندیم کے کارنامے کی بدولت پیرس میں پاکستانی پرچم بلند ہوگیا، قومی ترانہ بھی بجایا گیا، تقریب میں قومی ترانے کے موقع پر ارشد ندیم کی آنکھیں نم ہوگئیں۔

گرینیڈا کے اینڈرسن پیٹرز کو برانز میڈل دیا گیا، بھارت کے نیرج چوپڑا کو سلور میڈل دیا گیا۔