ہاردک پانڈیا ممبئی انڈینز کے کپتان بن کر مشکل میں آگئے

آئی پی ایل 2024 میں گجرات ٹائٹنز سے ممبئی انڈینز میں شامل ہونے والے آل راؤنڈر ہاردک پانڈیا کپتان بنتے ہی مشکل میں آگئے۔

انڈین پریمیئر لیگ میں گزشتہ روز کھیلے گئے میچ میں گجرات ٹائٹنز نے ممبئی انڈینز کو سنسنی خیز مقابلے کے بعد 6 رنز سے شکست دی، ممبئی انڈینز 169 رنز کے تعاقب میں مقررہ اوورز میں 9 وکٹوں کے نقصان پر 162 رنز بناسکی۔

ممبئی انڈینز کی جانب سے ہاردک پانڈیا کپتانی کے فرائض انجام دے رہے تھے جبکہ روہت شرما 2013 کے بعد پہلی مرتبہ بطور کھلاڑی شامل تھے۔

جب ہاردک پانڈیا ٹاس کرنے کے لیے آئے تو ان پر میدان میں موجود تماشائیوں نے آوازیں کسنا شروع کردیں۔

اسی طرح جب ہاردک پانڈیا بولنگ کرنے آئے تو تب بھی یہ سلسلہ جاری رہا اور شائقین ’روہت روہت‘ کے نام کے نعرے لگاتے رہے۔

Hardik Pandya got booed by Ahemdabad crowd #Gtvsmi pic.twitter.com/YwuBBVfKjv

— Shivani (@shivani_45D) March 24, 2024

میچ کے دوران جب ہاردک پانڈیا نے روہت شرما کو باؤنڈری پر فیلڈنگ کرنے بھیجا تو اس پر بھی شائقین کرکٹ نے سخت ردعمل کا اظہار کیا۔

شائقین کرکٹ نے ایکس پر بھی ہاردک پانڈیا کو تنقید کا نشانہ بنایا اور ان کا ماننا ہے کہ پانڈیا روہت کو باؤنڈری لائن پر فیلڈنگ کے لیے بھیج کر ان کی بے عزتی کررہے ہیں۔

View this post on Instagram

A post shared by gareebo ka editor (@gyaanifoofa)

واضح رہے کہ روہت شرما جب ممبئی انڈینز کے کپتان تھے انہوں نے دائرے میں ہی فیلڈنگ کی ہے یہ پہلا موقع تھا جب انہیں باؤنڈری لائن پر فیلڈنگ کرتے دیکھا گیا۔