کوہلی کو مداح نے سرعام ’چوکلی‘ کہہ دیا؟ ویڈیو وائرل

بھارتی بیٹر ویرات کوہلی کو ان کے مداح نے چوکلی کہہ دیا، بیٹر یہ سن کر حیران نظرآئے، واقعے کی سوشل میڈیا پر ویڈیو وائرل ہوگئی۔

اسٹار بلے باز ویرات کوہلی سری لنکا میں اپنے ٹیم میٹس کے ساتھ پریکٹس کررہے تھے، اس دوران ایک شخص نے انھیں ’چوکلی‘ کہہ ڈالا، اس اچانک افتاد پر کوہلی پریشان اور شرمندہ سے نظر آئے کیونکہ اس وقت وہ بھارتی پلیئرز کے ساتھ پریکٹس کررہے تھے۔

ویڈیو میں دیکھا جاسکتا ہے کہ کوہلی بیٹنگ پریکٹس کررہے تھے کہ ایک مداح نے انھیں ’چوکلی، چوکلی‘ کے نعرے لگائے، جس نے فوری طور پر کوہلی کی توجہ مبذول کروالی۔

ویرات کوہلی کے ردعمل اور انکی آنکھوں سے صاف اندازہ لگایا جاسکتا ہے کہ کوہلی اس بات سے قطعی خوش نہیں ہیں، تاہم میڈیا ذرائع کا کہنا ہے کہ یہ ویڈو فیک ہے اور اس میں آواز بعد میں ڈب کی گئی ہے۔

خیال رہے کہ ’چوکلی‘ کی یہ اصطلاح ویرات کے دوسرے نام کوہلی اور ’چوکنگ‘ کا مرکب ہے جسے جوڑ کر بعض مداحوں نے ’چوکلی‘ بنا دیا ہے، کوہلی اگر رنز اسکور نہ کریں یا خراب پرفارمنس دیں تو انھیں اسی نام سے پکارا جاتا ہے۔

یہ اصطلاح پہلی بار 2019 کے ورلڈ کپ میں بھارت کے باہر ہونے کے بعد سامنے آئی تھی، یہاں کوہلی آئی سی سی کے ناک آؤٹ میچ میں 1 رنز پر آؤٹ ہوئے تھے۔

کوہلی سری لنکا سے ون ڈے سیریز کے لیے پیر کی صبح سری لنکا پہنچے ہیں، تاہم بھارت کا پہلا پریکٹس سیشن کولمبو میں بارش کی وجہ سے منسوخ کر دیا گیا ہے۔