کم پیسوں یا پیسوں کے بغیر کوئی کام نہیں کرتا، یاسر حسین

اداکار، ہدایت کار اور ٹی وی میزبان یاسر حسین نے کہا ہے کہ میں کم پیسوں یا پیسوں کے بغیر کوئی کام نہیں کرتا۔

حال ہی میں اپنے دیے گئے ایک انٹرویو میں اداکار یاسر حسین نے ایوارڈز شو میں شرکت نہ کرنے کی وجہ بتائی۔

انہوں نے کہا کہ بعض اداکار انتہائی کم پیسوں اور یہاں تک کہ صرف ایئر ٹکٹ اور بیرون ملک کا ویزا ملنے پر بھی ایوارڈز شوز کی میزبانی کرلیتے ہیں۔

ان کا کہنا تھا کہ وہی لوگ ایوارڈز شوز انتظامیہ کو یہ پیش کش بھی کرتے ہیں کہ وہ بیچ میں ڈانس بھی کرلیں گے۔

یاسر حسین نے بتایا کہ ایوارڈز شوز کی میزبانی کرنے والے زیادہ تر لوگ ایسا ہی کر رہے ہیں، وہ ایئر ٹکٹ، ویزہ اور کم پیسوں سمیت صرف ایوارڈ ملنے پر بھی میزبانی کر رہے ہیں۔

اداکار کے مطابق لیکن وہ خود ایسے کام نہیں کرتے، وہ نہ تو کم پیسے لیتے ہیں اور نہ ہی اکانامی ایئر ٹکٹ پر میزبانی کرتے ہیں۔

اگرچہ یاسر حسین نے انکشاف کیا کہ ایوارڈز شوز کی میزبانی لوگ ایئر ٹکٹس اور ویزا پر بھی کرتے ہیں، تاہم انہوں نے کسی اداکار یا میزبان کا نام نہیں لیا۔