پی ایس ایل 9: کوئٹہ نے سنسنی خیز مقابلے کے بعد کراچی کو ہرا دیا
پی ایس ایل 9 کے 16ویں میچ میں کوئٹہ گلیڈی ایٹرز نے سنسنی خیز مقابلے کے بعد کراچی کنگز کو 5 وکٹوں سے شکست دے دی۔ کراچی کے نیشنل اسٹیڈیم میں کھیلے گئے میچ میں کوئٹہ گلیڈی ایٹرز نے کراچی کنگز کی جانب سے دیا گیا 166 رنز کا ہدف آخری گیند پر حاصل کرکے […]
پی ایس ایل 9 کے 16ویں میچ میں کوئٹہ گلیڈی ایٹرز نے سنسنی خیز مقابلے کے بعد کراچی کنگز کو 5 وکٹوں سے شکست دے دی۔
کراچی کے نیشنل اسٹیڈیم میں کھیلے گئے میچ میں کوئٹہ گلیڈی ایٹرز نے کراچی کنگز کی جانب سے دیا گیا 166 رنز کا ہدف آخری گیند پر حاصل کرکے 5 وکٹوں سے شکست دے دی۔
شرفین ردرفورڈ نے 31 گیندوں پر 58 رنز کی میچ وننگ اننگز کھیلی، اوپنر جیسن روئے نے 52 رنز اسکور کیے۔
سعود شکیل 24 رنز کے ساتھ نمایاں رہے، عقیل حسین نے 22 رنز بنائے۔
کراچی کنگز کی جانب سے حسن علی اور زاہد محمود نے دو، دو وکٹیں حاصل کیں۔
اس سے قبل کراچی کنگز نے مقررہ اوورز میں پہلے بیٹنگ کرتے ہوئے8 وکٹوں کے نقصان پر 165 رنز بنائے اور کوئٹہ گلیڈی ایٹرز کو جیت کے لیے 166 رنز کا ہدف دیا۔
انور علی نے 14 گیندوں پر 25 رنز کی برق رفتار اننگز کھیلی، جیمز ونس 37 رنز کے ساتھ نمایاں رہے، محمد نواز 28 رنز بنا کر پویلین لوٹ گئے۔
ٹم سیفرٹ 21 رنز بنا کر چلتے بنے، شعیب ملک 12 رنز بنا کر ابرار احمد کو وکٹ دے بیٹھے، کیرون پولارڈ 13 رنز بنا کر آؤٹ ہوئے۔
عرفان خان نیازی 15 اور حسن علی 2 رنز پر ہمت ہار گئے۔
کوئٹہ گلیڈی اٹرز کی جانب سے ابرار احمد نے تین وکٹیں حاصل کیں، عقیل حسین اور عثمان طارق نے دو، دو وکٹیں حاصل کیں۔
اس سے قبل کوئٹہ گلیڈی ایٹرز کے کپتان رائلی روسو نے ٹاس جیت کر شان مسعود الیون کو پہلے بیٹنگ کی دعوت دی تھی۔
گلیڈی ایٹرز کی تین میچز جیت کر پوائنٹس ٹیبل پر دوسری پوزیشن ہے، ایونٹ میں کراچی کنگز نے 4 میں سے 2 میچ جیتے ہیں۔
ہیڈ ٹو ہیڈ مقابلوں میں کوئٹہ 16 میں سے 11 اور کراچی کنگز پانچ میں کامیاب ہوئی۔
آپ کا ردعمل کیا ہے؟
