پاک انگلینڈ میچ بارش سے متاثرہ ہونے کا خدشہ

پاکستان اور انگلینڈ کے مابین ٹی ٹوئنٹی سیریز کا پہلا میچ بارش سے متاثر ہونے کا امکان ہے۔

انگلینڈ اور پاکستان کے درمیان پہلا میچ بدھ کو لیڈز میں شیڈول ہے اور موسمیاتی پیش گوئی کے مطابق بارش میچ میں رکاوٹ بن سکتی ہے۔

ناموافق موسمی حالات کی وجہ سے میچ کے تاخیر یا منسوخ ہونے کا خدشہ ہے۔

تازہ ترین رپورٹس کے مطابق لیڈز میں بارش کا 75 فیصد امکان ہے۔ شہر میں تقریباً 5.3 ملی میٹر بارش ہونے کی توقع ہے جو پچ اور کھیل کے حالات پر بہت زیادہ اثر ڈال سکتی ہے۔

خراب موسم کے باوجود دونوں ٹیمیں سیریز کے لیے بھرپور تیاری کر رہی ہیں۔ پاکستان، اپنے متحرک کپتان کی قیادت میں ایک مضبوط ٹیم بنانے کے لیے کوشاں ہے جبکہ انگلینڈ، اپنی گہری بیٹنگ لائن اپ اور ورسٹائل باؤلنگ اٹیک کے ساتھ اپنی سرزمین پر فتح حاصل کرنے کے لیے یکساں طور پر پُرعزم ہے۔