ٹی ٹوئنٹی ورلڈکپ: افغانستان نے پاپوا نیو گنی کو 7 وکٹوں سے ہرادیا

افغانستان نے پاپوا نیو گنی کو ٹی ٹوئنٹی ورلڈ کپ کے 29 ویں میچ میں 7 وکٹوں سے شکست دے دی۔

تاروبا کے برائن لارا کرکٹ اسٹیڈیم میں گروپ سی میں شامل دونوں ٹیموں کے درمیان میچ کھیلا گیا جہاں افغانستان نے ٹاس جیت کر پہلے فیلڈنگ کا فیصلہ کیا تھا۔

پاپوا نیو گینی کی ٹیم پہلے بیٹنگ کرتے ہوئے 19 عشاریہ 5 اوورز میں 95 رنز بناکر پویلین لوٹ گئی،کپلن ڈوریگا 27، ایلئی ناؤ 13 اور ٹونی اور 11 رنز بناکر پویلین روانہ ہوگئے۔

افغانستان کے بلے بازوں نے مقررہ ہدف15.1 اوورز میں 3 وکٹ کے نقصان پر حاصل کرلیا، گلبدین نائب 49، عظمت اللہ 13، رحمان اللہ گُرباز 11 اور محمد نبی نے 16 رنز اسکور کئے۔

ٹی ٹوئنٹی ورلڈ کپ: انگلینڈ نے عمان کو 8 وکٹوں سے شکست دیدی

واضح رہے کہ افغانستان اپنے گروپ میں ٹی ٹوئنٹی ورلڈ کپ کے 2 میچز کھیل کر دونوں میں کامیابی حاصل کرچکا ہے،افغانستان نے اپنے پہلے میچ میں یوگنڈا کو 125 رنز اور دوسرے میچ میں نیوزی لینڈ کو 84 رنز سے ہرایا تھا۔