ٹی ٹوئنٹی ورلڈ کپ: انگلینڈ نے عمان کو 8 وکٹوں سے شکست دیدی

انگلینڈ نے عمان کو آئی سی سی ٹی ٹوئنٹی ورلڈ کپ کے گروپ بی کے میچ میں 8 وکٹوں سے شکست دے دی۔

انگلینڈ کی ٹیم نے ٹاس جیت کر عمان کو پہلے بیٹنگ کی دعوت دی۔

عمان کی ٹیم نے پہلے بیٹنگ کرتے ہوئے 13 اعشاریہ 2 اوورز میں 47 رنز اسکور کیے، اس کے ٹاپ اسکورر شعیب خان 11 رنز بنا کر نمایاں رہے، ان کے علاوہ کوئی بھی کھلاڑی ڈبل فیگر میں بھی داخل نہ ہوسکا۔

انگلینڈ نے ٹیم میں ایک تبدیلی کی، کرس جارڈن کی جگہ ریس ٹوپلے کو کھلایا گیا۔

انگلینڈ کے کپتان جوز بٹلر نے 24 رنز کی ناقابل شکست اننگز کھیلی، جبکہ سالٹ 12، ول جیک 5 رنز بناسکے، جونی برسٹو 8 رنز کے ساتھ ناٹ آؤٹ رہے۔

عمان کی جانب سے بلال خان اور کلیم اللّٰہ نے ایک ایک کھلاڑی کو پویلین روانہ کیا۔ انگلینڈ کے عادل رشید کو شاندار بولنگ پرفارمنس پر مین آف دی میچ کے ایوارڈ سے نوازا گیا۔

انگلینڈ کی جانب سے عادل رشید نے 4 جبکہ جوفرا آرچر اور مارک ووڈ نے 3، 3 کھلاڑیوں آؤٹ کیا۔

ہم آپ کی ٹیم ہیں، کوئی گلی کی کرکٹ ٹیم نہیں! شاہین آفریدی

انگلش کپتان بٹلر کا ٹاس کے موقع پر کہنا تھا کہ یہ واقعی ایک اچھی وکٹ لگ رہی ہے اور ہم جاننا چاہتے ہیں کہ ہم کس ہدف کا تعاقب کر رہے ہیں۔