ٹی 20 ورلڈ کپ: بھارت اور کینیڈا کا میچ بارش کے باعث منسوخ

ٹی 20 ورلڈ کپ میں بھارت اور کینیڈا کا میچ بارش کے باعث منسوخ کردیا گیا۔

ٹی 20 ورلڈ کپ کا 33واں میچ لارڈ ہل میں بھارت اور کینیڈا کے درمیان کھیلا جانا تھا لیکن بارش کی وجہ سے ٹاس بھی نہ ہوسکا اور میچ منسوخ کرکے دونوں ٹیموں کو ایک، ایک پوائئٹ دے دیا گیا ہے۔

بھارت کی ٹیم پہلے ہی سپر 8 مرحلے کے لیے کوالیفائی کرچکی ہے جبکہ گروپ اے سے امریکا بھی اگلے مرحلے میں پہنچ گئی ہے۔

گروپ اے سے باہر ہونے والی ٹیموں میں کینیڈا اور پاکستان شامل ہیں۔

واضح رہے کہ ٹی 20 ورلڈ کپ کا 34واں میچ انگلینڈ اور نمیبیا کے درمیان میچ رات 10 بجے شروع ہوگا جبکہ آسٹریلیا اور اسکاٹ لینڈ کی ٹیمیں صبح ساڑھے پانچ بجے مدمقابل آئیں گی۔